కోకో షుగర్.దీనినే కొబ్బరి చక్కెర అని కూడా పిలుస్తారు.
కొబ్బరి కాండం నుంచి తీసిన ఓ ప్రత్యేక ద్రవంతో ఈ చక్కెరను తయారు చేస్తారు.మామూలు తెల్ల చక్కెర కంటే కొబ్బరి చక్కెర ఆరోగ్యానికి ఎంతో ఉత్త‌మ‌మైన‌ది.
కొబ్బరి చ‌క్కెర‌లో ఎన్నో పోష‌క విలువ‌లు నిండి ఉంటాయి.అందుకే కోకో షుగర్ ఆరోగ్య ప‌రంగా బోలెడ‌న్ని ప్ర‌యోజ‌నాల‌ను అందిస్తుంది.
మ‌రి ఇంకెందుకు ఆల‌స్యం కోకో షుగ‌ర్‌ను తీసుకోవ‌డం వ‌ల్ల ఏయే హెల్త్ బెనిఫిట్స్ ల‌భిస్తాయో తెలుసుకుందాం ప‌దండీ.
సాధార‌ణంగా తెల్ల చక్కెరను తీసుకుంటే ర‌క్తంలో కొలెస్ట్రాల్ పెరుగుతుంది.
ఫ‌లితంగా గుండె పోటు, ఇత‌ర గుండె సంబంధిత జ‌బ్బులు వ‌చ్చే రిస్క్ రెట్టింపు అవుతుంది.కానీ, వైట్ షుగ‌ర్‌కు బ‌దులుగా కోకో షుగ‌ర్‌ను తీసుకుంటే.
అందులో ఉండే విట‌మిన్ సి, పొటాషియం మ‌రియు నైట్రోజ‌న్ వంటి పోష‌కాలు గుండె జ‌బ్బులు ద‌రి చేర‌కుండా ర‌క్ష‌ణ క‌ల్పిస్తాయి.
అలాగే మ‌ధుమేహం వ్యాధి గ్ర‌స్తులు వైట్ షుగర్ కాకుండా కోకో షుగ‌ర్‌ను వాడితే.బ్ల‌డ్ షుగర్ లెవ‌ల్స్ పెర‌గ‌కుండా ఉంటాయి.కోకో షుగ‌ర్‌ను డైట్‌లో చేర్చుకోవ‌డం వ‌ల్ల జీర్ణ వ్య‌వ‌స్థ ప‌ని తీరు కూడా మెరుగ్గా మారుతుంది.
దాంతో గ్యాస్‌, ఎసిడిటీ, మ‌ల‌బ‌ద్ధ‌కం వంటి స‌మ‌స్య‌లు ద‌రి దాపుల్లోకి రాకుండా ఉంటాయి.
కోకో షుగ‌ర్‌ను తీసుకోవ‌డం వ‌ల్ల ఎముక‌లు, దంతాలు దృఢంగా మార‌తాయి.శ‌రీరంలో క్యాన్స‌ర్ క‌ణాలు వృద్ధి చెంద కుండా ఉంటాయి.కోకో షుగర్ తిన్నా క్యాల‌రీలు వ‌స్తాయ‌న్న బెంగ పెట్టుకోవాల్సిన అవ‌స‌రం లేదు.
ఎందు కంటే కోకో షుగర్ బ‌రువును ఏ మాత్రం ప్ర‌భావితం చేయ‌దు.ఇక కోకో షుగ‌ర్‌లో యాంటీ ఆక్సిడెంట్స్ పుష్క‌లంగా ఉండ‌టం వ‌ల్ల రోగ నిరోధ‌క శ‌క్తి సైతం అద్భుతంగా పెరుగుతుంది.
కాబ‌ట్టి, ఎవ్వ‌రైనా కోకో షుగ‌ర్‌ను డైట్‌లో చేర్చుకోవ‌చ్చు.
తెలుగు ఆరోగ్య టిప్స్, వార్త విశేషాలు సులభముగా తెలుసుకోండి!!!!
