ప్రస్తుతం చలి కాలం కొనసాగుతున్న సంగతి తెలిసిందే.ఈ సీజన్లో ఏ మాత్రం ఏమరపాటుగా ఉన్నా ఏదో ఒక అనారోగ్య సమస్య చుట్టేస్తుంది.
అందుకే చలికాలంలో ఆరోగ్యాన్ని ఎంతో జాగ్రత్తగా కాపాడుకోవాలి.అయితే అందుకు కొన్ని కొన్ని ఆహారాలు ఎంతగానో తోడ్పడతాయి.
అటువంటి ఆహారల్లో కొబ్బరి లడ్డూ ఒకటి.ఈ కాలంలో బెల్లంతో తయారు చేసిన కొబ్బరి లడ్డూలను రోజుకు ఒకటి చొప్పున తింటే మస్తు హెల్త్ బెనిఫిట్స్ను పొందొచ్చు.
మరి ఇంకెందుకు ఆలస్యం ఆ బెనిఫిట్స్ ఏంటో చూసేయండి.
కొబ్బరి లడ్డూల్లో శక్తి వంతమైన యాంటీ ఆక్సిడెంట్స్ ఎన్నో నిండి ఉంటాయి.
అందు వల్ల, చలి కాలంలో తరచూ కొబ్బరి లడ్డులను తీసుకుంటే గనుక రోగ నిరోధక శక్తి రెట్టింపు అవుతుంది.తద్వారా జలుబు, ఫ్లూ, వైరల్ ఫీవర్లు వంటివి దరి దాపుల్లోకి రాకుండా ఉంటాయి.
అలాగే మిగిలిన సీజన్లతో పోలిస్తే చలికాలంలోనే గుండె జబ్బులు ఎక్కువగా వస్తుంటాయి.అయితే కొబ్బరి లడ్డూలను తినడం వల్ల శరీరంలో చెడు కొలెస్ట్రాల్ కరిగి మంచి కొలెస్ట్రాల్ పెరుగుతుంది.దాంతో గుండెపోటు, ఇతర గుండె సంబంధిత జబ్బులు వచ్చే ప్రమాదం తగ్గుతుంది.
బెల్లంతో తయారు చేసే కొబ్బరి లడ్డూల్లో ఐరన్ కంటెంట్ పుష్కలంగా ఉంటుంది.కాబట్టి, వీటిని తీసుకుంటే రక్త వృద్ధి జరుగుతుంది.అదే సమయంలో నీరసం, అలసట వంటి సమస్యలు తగ్గు ముఖం పడతాయి.
అంతే కాదు, ఈ సీజన్లో కొబ్బరి లడ్డులను డైట్లో చేర్చుకుంటే గనుక జీర్ణ వ్యవస్థ పని తీరు చురుగ్గా మారుతుంది.మలబద్ధకం దూరం అవుతుంది.పొడి చర్మం తేమగా, నిగారింపుగా తయారు అవుతుంది.చలిని తట్టుకునే శక్తి శరీరానికి లభిస్తుంది.
మరియు హెయిర్ ఫాల్ సమస్య సైతం క్రమ క్రమంగా తగ్గి పోతుంది.