మొస‌లితో ప‌రాచ‌కాలు ఆడాడు.. కానీ చివ‌ర‌కు

క్రూర మృగాల‌తో ఆట చాలా డేంజ‌ర్‌.ఎందుకంటే అవి ఎప్పుడు ఎలా ఉంటాయో ఎవ‌రికీ తెలియ‌దు.

ఏ మాత్రం ఛాన్స్ దొరికినా స‌రే ప్రాణాలు తీసేస్తాయి.అవి మ‌న‌కంటే చాలా చురుగ్గా క‌దులుతుంటాయి.

ఏమ‌ర పాటుగా ఉన్నామంటే వాటికి ఆహారం అయిపోతాం.ఇలా క్రూర మృగాల‌తో పెట్టుకుని గాయ‌ప‌డ్డ వారు చాలామంది ఉన్నారు.

ఇందుకు సంబంధించిన వీడియోలు కూడా సోష‌ల్ మీడియాలో చాలానే వైర‌ల్ అవుతుంటాయి.కాగా ఈ వీడియోలు చూసిన త‌ర్వాత అయినా కొంద‌రు మార‌డం లేదు.

అదే చివ‌ర‌కు ఇబ్బందుల్లో ప‌డేస్తోంది.

ఇక నీటిలో ఉండే మొసలికి ఎంత బ‌లం ఉంటుందో ప్ర‌త్యేకంగా చెప్పాల్సిన ప‌నిలేదు.

అయితే అది బ‌య‌ట ఉన్న‌ప్పుడు చాలామంది దానితో ఫొటోలు దిగేందుకు చూస్తుంటారు.ఇలా ప‌రాచ‌కాలు ఆడి చిర‌వ‌కు దానికే ఆహారంగా మారిపోతుంటారు.

ఇక మొన్న‌టికి మొన్న ఇలాగే ఓ వ్య‌క్తి మొస‌లితో ఆట‌లాడాల‌నుకున్నాడు.కానీ తృటితో దాని నుంచి త‌ప్పించుకున్నాడు.

ఇప్పుడు కూడా ఓ వ్య‌క్తి  ఇలాగే చేశాడు.ఓ చెరువు గ‌ట్టున సేద తీరుతున్న మొస‌లి వ‌ద్ద‌కు వ‌చ్చిన టూరిస్ట్ దానితో ప‌రాచ‌కాలు ఆడాడు.

అంతే దానికి చిరాకు వ‌చ్చింది.

మొద‌ట కొంచెం బ‌య‌పెట్టేసింది.అయినా స‌రే అత‌ను మాత్రం వెన‌క్కు త‌గ్గ‌లేదు.మ‌రోసారి అలాగే చేశాడు.

ఇక కోపం వ‌చ్చిన ఆ మొస‌లి అత‌ని చేతిని నోట క‌రుచుకుంది.మొస‌లి నోట క‌రిచిందంటే చేయి విర‌గాల్సిందే త‌ప్ప మ‌రో మార్గం లేదు.

అయితే అత‌ను మాత్రం ఆ మొస‌లిని ఎటూ క‌ద‌ల‌నివ్వ‌కుండా దాని వీపు మీద ఎక్కి కూర్చున్నాడు.దీంతో ఆ మొస‌లికి ఏం చేయాలో అర్థం కాక అత‌ని చేయిని వ‌దిలించుకుని దూరం జ‌రిగింది.

దీంతో ఆ మొస‌లి నుంచి దూరంగా ప‌రుగెత్తాడు ఆ వ్య‌క్తి  కొంచెం ఉంటే చేయి విరిగిపోయేది.