స్కూలుకు స్కూటర్పై వెళ్తే తప్పేముంది.దానికి అతగాడిని వింతగా చూడటం దేనికి? అని అనుకుంటున్నారు కదూ.అవును, అక్కడే వుంది.అసలు విషయమంతా.
ఓ యువకుడు రోడ్లపై రయ్యిరయ్యిన దూసుకెళ్తున్నాడు.అయితే అతగాడు డ్రైవ్ చేసుకుంటూ పోతున్నది మామ్మూలు స్కూటర్ కాదు.
ఓ బుల్లి స్కూటర్పై స్కూలుకి వెళ్తూ.హైదరాబాద్ నగర వీధుల్లో ఓ యువకుడు అందరినీ ఆకట్టుకున్నాడు.
అది చూడటానికి చిన్న పిల్లలు ఆడుకునేలాంటి ఓ చిన్ని స్కూటర్ లాగా వుంది.దాంతో ఆ యువకుడిని చూసి అంతా షాకవుతున్నారు.
ఈ దృశ్యం చూస్తే ఎవరో పిల్లాడు ఆడుకుంటూ రోడ్డుమీదకు వచ్చేశాడా అని కూడా అనిపిస్తోంది.కానీ అతను తన చిన్న సైజు స్కూటర్పై రోజూ 30 కి.మీ ప్రయాణిస్తూ కళాశాలకు వెళ్తున్నాడు.ప్రస్తుతం ఈ ఘటనకు సంబంధించిన దృశ్యాలు నెట్టింట వైరల్గా మారాయి.
వివరాల్లోకి వెళితే, అత్తాపూర్కు చెందిన ఓ యువకుడు ఒక చిన్ని ఈ స్కూటర్ పైన వెళ్తూ మెహదీపట్నం రోడ్డులో అందరినీ ఆశ్చర్యానికి గురిచేశాడు.ఈ చిన్ని స్కూటర్పై ఎక్కడికి వెళ్తున్నావని అతన్ని కొందరు అడిగారు.
అందుకు ఆ యువకుడు సమాధానం చెబుతూ.తాను వెళ్తున్న వాహనం ఒక ఎలక్ట్రిక్ స్కూటర్ అని, దానిని పటాన్చెరులో మాన్యుఫ్యాక్చరింగ్ చేస్తున్నారని చెప్పాడు.
దానిని 4 గంటలు ఛార్జింగ్ చేస్తే 50 కిలో మీటర్ల వరకూ ప్రయాణించవచ్చని చెబుతున్నాడు.అయితే.తాను ప్రతిరోజూ అత్తాపూర్ నుంచి పంజాగుట్టకు ఈ చిన్ని స్కూటర్పైనే వస్తుంటానని చెప్పుకొచ్చాడు.దానిపై ప్రయాణం చాలా హాయిగా ఉందని పేర్కొన్నాడు.
ఈ చిన్న వాహనంపై ట్రాఫిక్లో కూడా ఈజీగా వెళ్లిపోగలుగుతున్నానని.తనకు పెద్దగా ట్రాఫిక్ కష్టాలు కూడా పెద్దగా ఎదురుకావడం లేదని బదులిచ్చాయి.
ఈ విషయం విన్న ప్రయాణికులు అతగాడికి మెచ్చుకున్నారు.