కాలజ్ఞాని పోతులూరి వీరబ్రహ్మేంద్ర స్వామి ఇదివరకు కాలంలో చెప్పినట్టు ఎన్నో విశేషాలు అప్పుడప్పుడు ప్రపంచంలో జరుగుతూనే ఉండడం మనకు గమనిస్తూనే ఉన్నాం.అసలు ఊహించని విధంగా కొన్ని సంఘటనలు మనకు వాస్తవ రూపం దాలుస్తున్నాయి.
అలాంటి ఓ విషయం తాజాగా ఆవిష్కృతమైంది.తాజాగా ఓ వింత సంఘటన ప్రతి ఒక్కరిని ఆశ్చర్య పరిచేలా చేస్తోంది.
అది ఎలా అంటే.ఓ మేక అచ్చం మనిషి ముఖంతో పోలి ఉన్న వింత జీవికి ఈ జన్మను ఇచ్చింది.
అయితే ఆ జీవి పుట్టాక ఎక్కువసేపు బతకలేదు.అయినా కానీ ఆ వింత జీవిని చూసేందుకు పెద్ద ఎత్తున ప్రజలు తండోపతండాలుగా వస్తున్నారు.
ఇందుకు సంబంధించి పూర్తి వివరాల్లోకి వెళితే.
ఈ సంఘటన గుజరాత్ రాష్ట్రంలో సంభవించింది.
రాష్ట్రంలోని సోనాఘడ్ తాలూకా సెల్టిపేట గ్రామానికి చెందిన అజయ్ అనే ఓ రైతు కుటుంబంలో ఈ సంఘటన చోటు చేసుకుంది.ఈయన మేకలను పెంచుకుంటూ జీవనాన్ని కొనసాగిస్తున్నాడు.
తాజాగా అతడి ఇంట్లో ఉన్న ఓ మేక ప్రసవించింది.మేక ప్రసవించడం పెద్ద సంగతి కాకపోయినా కానీ ఆ మేక ప్రసవించిన జీవి చూడటానికి వింతగా అనిపించడంతో అదికాస్తా వార్తల్లో నిలిచేలా జరిగింది.
ఓ వింత జీవి కి జన్మ ఇవ్వడంతో ఆ ఊర్లోనే జనమంత, అలాగే చుట్టుపక్కల ఉన్న ఊర్లలో జనం కూడా ఆ జీవిని చూసేందుకు పెద్ద ఎత్తున ఆ రైతు ఇంటికి క్యూ కట్టారు.
ఆ వింత జీవి అచ్చం మనిషి ముఖాన్ని పోలి ఉండటంతో ఆ జీవిని దేవుడు ప్రతి రూపం అంటూ గ్రామస్తులు పూజలు చేశారు.
నిజానికి ఏ మేకకు అయినా సరే తోక ఉంటుంది.కాకపోతే.ఈ వింత జీవికి తోక లేదు.అచ్చం మనిషి ఉన్నట్టుగానే నోరు, ముక్కు, ముఖం అన్ని ఉన్నాయి.
ఈ జీవి జన్మించిన తర్వాత కేవలం పది నిమిషాలు మాత్రమే బతికే ఉంది.ఆ తర్వాత ఆ వింత జీవి ప్రాణాలు వదిలింది.
అత్యంత భక్తి శ్రద్ధలతో ఆ జీవికి ఆ గ్రామంలోని ప్రజలందరూ కలిసి అంత్యక్రియలు నిర్వహించారు.దీంతో ఈ వింత జీవికి సంబంధించిన వీడియోలు, ఫోటోలు సోషల్ మీడియాలో వైరల్ గా మారాయి.
