మనుషులు మనుషులను, లేదా జంతువులను కిడ్నాప్ చేయడం మనం చూస్తూ ఉంటాము.డబ్బు కోసమో, లేక వారి మీద కోపంతోనో, వాళ్లని ఏడిపించడానికో మనుషులు, మనుషులను లేదా జంతువులను కిడ్నాప్ చేస్తూ ఉండడం సహజం.
అయితే జంతువులు కిడ్నాప్ చేయడం మీరెప్పుడైనా చూశారా.? మనుషులు మాత్రమే కాదు తాము కూడా కిడ్నాప్ చేయగలరని నిరూపించింది ఓ కోతి.
ఎందుకు కోపం వచ్చిందో, ఎవరి మీద కోపం వచ్చిందో, ఎవరిని ఏడిపించాలనుకుందో, ఎందుకోసం చేసిందో తెలియదు గానీ, మలేషియాలోని తమన్ లేస్టారి పుత్రలో ఓ కోతి ఒక చిన్న కుక్క పిల్లని కిడ్నాప్ చేసి మూడు రోజులపాటు తన వద్దనే ఉంచుకొని స్థానికులకు చుక్కలు చూపించింది.రెండు వారాల వయసున్న చిన్న కుక్కపిల్లను కిడ్నాప్ చేసి ఎవరికి కనిపించకుండా, అడవిలోకి తీసుకెళ్లి చెట్లను ఎక్కి దాచేసింది.
చిన్న కుక్క పిల్లను తన వీపు మీద వేసుకుని ఒక చెట్టు మీద నుండి మరొక చెట్టు మీదకు వెళ్తున్నా ఏ మాత్రం ఆ కుక్క పిల్లను వదల్లేదు.
దీంతో ఈ విషయాన్ని గమనించిన స్థానికులు, అక్కడి ప్రజలు ఆ కుక్క పిల్లను విడిపించేందుకు నానా తంటాలు పడ్డారు.
కోతి నుండి కుక్క పిల్లను విడిపించేందుకు విశ్వప్రయత్నాలు చేశారు.అయినా కూడా ఫలితం లేకపోయింది.అలా మూడు రోజులు పాటు విశ్వ ప్రయత్నం చేయగా మూడవ రోజు ఎట్టకేలకు కుక్క పిల్లను కోతి నుండి కాపాడగలిగారు.దీంతో స్థానికులు కాస్త ఊపిరి పీల్చుకున్నారు.
తెలుగు వార్త విశేషాలు సులభముగా తెలుసుకోండి!!!!
