టాలీవుడ్ లో తకిట తకిట సినిమాతో హీరోగా ఎంట్రీ ఇచ్చి అడపాదడపా సినిమాలు చేస్తున్న నటుడు హర్షవర్ధన్ రాణే.ఈ కుర్ర హీరో ముందుగా ముంబైలో మోడలింగ్ లో కెరియర్ స్టార్ట్ చేసి తరువాత నటుడుగా మారాడు.
తెలుగు కుర్రాడు అనే ట్యాగ్ కారణంగా టాలీవుడ్ లో ఇతనికి భాగానే అవకాశాలు వచ్చాయి.అలాగే హిందీలో అప్పుడప్పుడు సినిమాలు చేస్తున్నాడు.
అయితే ఈ కుర్ర హీరో సినిమాల కంటే నైట్ పార్టీలు, అమ్మాయిలతో డేటింగ్ లు చేస్తూ ఎక్కువగా బిటౌన్ లో అందరి దృష్టిలో పడుతూ ఉంటాడు.ఇదిలా ఉంటే ఆ మధ్య ఈ కుర్ర హీరో ఖడ్గం ఫేం కిమ్ శర్మతో కొంత కాలం డేట్ లో ఉన్నాడు.
పార్టీలు, పబ్ లు అంటూ ఆమెతో చెట్టపట్టాల్ వేసుకుంటూ తిరిగేవాడు.రెగ్యులర్ గా మీడియాకి హాట్ టాపిక్ గా ఉండేవారు.
హర్షవర్ధన్ ఫ్యామిలీకి కూడా ఈమె చాలా దగ్గరైంది.
భర్త నుంచి విడాకులు తీసుకున్న తర్వాత కిమ్ శర్మ హర్షవర్ధన్ తో డేట్ లో ఉంది.
అయితే ఈ మధ్య ఆమెతో హర్షకి బ్రేక్ అప్ అయిపోయినట్లు తెలుస్తుంది.ఈ విషయాన్ని హర్షవర్ధన్ కూడా మీడియాతో చెప్పేశాడు.కిమ్, నేను కొన్నాళ్లపాటు రిలేషన్లో ఉన్నాం.అయితే ఇప్పుడు ఆ బంధం లేదు.
ఆమె బిహేవియర్ అలాగే ఆలోచనా విధానం ఆమె నుండి నన్ను దూరం పెట్టాయి.కిమ్‌తో నాకు మంచి ఙ్ఞాపకాలే ఉన్నాయి.
ఆమెకు మంచి సెన్సాఫ్ – హ్యూమర్ ఉంది.నేననుకోవడం నా డీఎన్‌ఏలోనే ఏదో తప్పు జరిగి ఉంటుంది.లేకపోతే ఏ కారణం లేకుండా ఎవ్వరూ విడిపోరు కదా.12 ఏళ్ల పాటు నేను ఒంటరిగానే ఉన్నాను అని రాణే వివరించారు.
