పవన్ కళ్యాణ్ కెరీర్‌లో బిగ్గెస్ట్‌ హిట్‌ చిత్రాల్లో ఒక్కటి ‘గబ్బర్‌ సింగ్‌’.హరీష్‌ శంకర్‌ దర్శకత్వంలో ఆ సినిమా తెరకెక్కిన విషయం తెల్సిందే.
‘గబ్బర్‌సింగ్‌’ చిత్రంతో హరీష్‌ శంకర్‌ ఒక్కసారిగా స్టార్‌ డైరెక్టర్‌ అయ్యాడు.అయితే ఆ తర్వాత ఈయన తెరకెక్కించిన ‘రామయ్యా వస్తావయ్యా’ చిత్రం అట్టర్‌ ఫ్లాప్‌ అయ్యింది.
తాజాగా ఈయన మెగా హీరో సాయిధరమ్‌ తేజ్‌ హీరోగా ‘సుబ్రమణ్యం ఫర్‌ సేల్‌’ మూవీని తెరకెక్కించాడు.ఈ సినిమా మరో రెండు రోజుల్లో ప్రేక్షకుల ముందుకు రాబోతుంది.
ఈ సందర్బంగా హరీష్‌ శంకర్‌ మాట్లాడుతూ.తాను మరోసారి పవన్ కళ్యాణ్‌తో సినిమా చేసే అవకాశాలున్నాయని, ఆ సినిమాను దిల్‌రాజు నిర్మిస్తాడు అంటూ చెప్పుకొచ్చాడు.
ప్రస్తుతం నటిస్తున్న ‘సర్దార్‌’ చిత్రం తర్వాత దిల్‌రాజు నిర్మాణంలో నటించేందుకు ఇప్పటికే పవన్ కళ్యాణ్ గ్రీన్‌ సిగ్నల్‌ ఇచ్చిన విషయం తెల్సిందే.పవన్ కళ్యాణ్ కోసం ‘జనగనమన’ అనే టైటిల్‌ను కూడా దిల్‌రాజు రిజిస్ట్రర్‌ చేయించాడు.
ఆ సినిమాకు హరీష్‌ శంకర్‌ దర్శకత్వం వహిస్తాడేమో చూడాలి.పవన్, హరీష్‌ శంకర్‌లు కలిస్తే మరోసారి ‘గబ్బర్‌ సింగ్‌’ ఫలితం రిపీట్‌ అవుతుందేమో చూడాలి.
