దేశముదురు సినిమాతో హీరోయిన్ గా టాలీవుడ్ లోకి ఎంట్రీ ఇచ్చిన ముద్దుగుమ్మ హాన్సికా మోత్వానీ, ఈ అమ్మడు మొదటి సినిమాతోనే క్యూట్ లుక్స్ తో అందరిని మెప్పించి తరువాత వరుస అవకాశాలు అందుకుంది.తెలుగులో కుర్ర హీరోలు, స్టార్ హీరోలు అందరితో ఈ అమ్మడు జతకట్టింది.
తమిళంలో కూడా స్టార్ హీరోలతో ఆడిపాడింది.ఇక ఈ భామ ఇండస్ట్రీలోకి అడుగుపెట్టి 13 ఏళ్ళు దాటిపోయింది.
ఇప్పటికి ఏ మాత్రం వన్నె తగ్గని అందంతో హాన్సిక అందరిని మైమరపిస్తుంది.ఆ మధ్యకాలంలో బాగా ఒళ్ళు చేసి బొద్దుగుమ్మగా మారిపోయిన ఈ అమ్మడుని తమిళ ప్రేక్షకులు బాగా ఆదరించారు.
అయితే మళ్ళీ ఫిట్ నెస్ పై దృష్టిపెట్టి బాగా ఒళ్ళు తగ్గించుకోవడంగా రీసెంట్ గా తెలుగులో తెనాలి రామకృష్ణ సినిమాలో తళుక్కున మెరిసింది.
ఇక ఈ సినిమా ఆశించిన స్థాయిలో హిట్ కాకపోవడంతో మళ్ళీ కెరియర్ గాడి తప్పింది.
ప్రస్తుతం ఈ అమ్మడు తెలుగు, తమిళ భాషలలో మహా అనే లేడీ ఒరియాంటెడ్ సినిమాలో నటిస్తుంది.ఈ సినిమా ఎప్పుడో మొదలైన ఎందుకనో షూటింగ్ వేగంగా జరగడం లేదు.
అయితే లాక్ డౌన్ తరువాత ఈ సినిమా షూటింగ్ మళ్ళీ మొదలవుతుందని బోగట్టా.ఇక ఈ సినిమాలో హాన్సిక ఎన్నడూ లేని విధంగా మొదటిసారి బికినీలో కనిపించడానికి రెడీ అవుతుందని టాక్.
లాక్ డౌన్ సమయంలో బాగా వర్కౌట్స్ చేసి, మంచి ఫిట్ నెస్ బికినీ లుక్ కోసం సిద్ధమైందని చెప్పుకుంటున్నారు.మరి ఇప్పటి వరకు ఎక్కువగా ఎక్స్ పోజ్ చేయడానికి ఇష్టపడని ఈ అమ్మడు మొదటి సారి బికినీ లుక్ లో ఎంత వరకు మెప్పిస్తుంది అనేది వేచి చూడాలి.
.