టాలీవుడ్ ఇండస్ట్రీలో కమెడియన్ గా ఎన్నో సినిమాలలో నటించి అద్భుతమైన ప్రేక్షకాదరణ సంపాదించుకున్న నటుడు సప్తగిరి గురించి ప్రత్యేకంగా చెప్పాల్సిన పనిలేదు.ఈయన అద్భుతమైన కామెడీ టైమింగ్స్ ప్రేక్షకులను విశేషంగా ఆకట్టుకున్నాయి.
ఇదిలా ఉండగా సప్తగిరి హీరోగా ఉన్నటువంటి చిత్రం “గూడుపుఠాణి“. కె.ఎం.కుమార్‌ దర్శకత్వంలో సప్తగిరి,నేహా సోలంకి హీరో హీరోయిన్లుగా నటిస్తున్నటువంటి ఈ చిత్రాన్ని ఎస్‌.ఆర్‌.ఆర్‌.
ప్రొడక్షన్స్‌ పతాకంపై శ్రీనివాసరెడ్డి, రమేశ్‌ యాదవ్‌ సంయుక్తంగా నిర్మిస్తున్నారు.
ఇప్పటికే సినిమా షూటింగ్ పూర్తి చేసుకున్న ఈ చిత్రం త్వరలోనే ప్రేక్షకుల ముందుకు రానున్న నేపథ్యంలో ఈ సినిమా నుంచి ట్రైలర్ ను విడుదల చేశారు.
హీరో హీరోయిన్ల మధ్య ప్రేమ కథ సన్నివేశాలతో ప్రారంభమైన ఈ ట్రైలర్ సినిమాపై ఆసక్తిని రేకెత్తిస్తోంది.లవ్ స్టోరీతో పాటు యాక్షన్ సన్నివేశాలతో ఉన్నటువంటి ఈ ట్రైలర్ ప్రేక్షకులను ఆకట్టుకుంది.
ఈ సినిమాలో సప్తగిరితో పోటీ పడటానికి దర్శకుడు గాయకుడు రఘు కుంచే విలన్ పాత్రలో నటిస్తున్నారు.అసలు వీరిద్దరి మధ్య శత్రుత్వం ఏర్పడటానికి గల కారణం ఏమిటి ఇందులో “గూడుపుఠాణి” ఎవరు చేశారనే ఈ విషయం తెలియాలంటే సినిమా విడుదల అయ్యే వరకు వేచి ఉండాలి.ప్రస్తుతం ఈ సినిమా ట్రైలర్ సినిమాపై ఆసక్తిని పెంచుతూ సోషల్ మీడియాలో వైరల్ గా మారింది.
