పెంపుడు జంతువులకు విశ్వాసం ఎంత ఉంటుందో అందరికీ తెలిసిందే.అందులో విశ్వాసానికి పెట్టింది పేరు పెంపుడు కుక్క.
కుక్కను పెంచుకున్నట్లు అయితే నిజంగా ఆ కుక్క యజమాని,వారి కుటుంబం మీద చూపే విశ్వాసం అంతా ఇంతాకాదు.ఇప్పుడు అలాంటి ఒక సంఘటనకు సంబందించిన వీడియో నే ప్రస్తుతం సోషల్ మీడియా లో వైరల్ గా మారింది.
చిన్న చిన్న అడుగులు వేసుకుంటూ నదిలోకి వెళుతున్న ఓ చిన్నారి ప్రాణాలను వారి పెంపుడు కుక్క కాపాడింది.నదీ తీరంలో అడుకుంటున్న చిన్నారి, గబుక్కున తన చేతిలోని బాల్ నీళ్లలో పడేసుకుంది.
అయితే నది లో పడిపోయిన బంతిని తీసుకునేందుకు ఆ చిన్నారి ప్రయత్నించడం కోసం వడి వడి అడుగులు వేసుకుంటూ నదిలోకి వెళ్లే ప్రయత్నం చేసింది.
దీనితో అక్కడే ఉన్న కుక్క వెంటనే ఆ చిన్నారి గౌన్ ను నోటితో పట్టి వెనకకు లాక్కొచ్చి కిందకు నెట్టింది.
అనంతరం ఆ కుక్కే నీళ్లలో కి దిగి మళ్లీ బంతిని తీసుకువచ్చింది.దీనికి సంబందించిన వీడియో ఇప్పుడు సోషల్ మీడియా లో వైరల్ గా మారడం తో చిన్నారి ప్రాణాలు కాపాడిన ఆ కుక్కను పలువురు నెటిజన్లు ప్రశంసిస్తున్నారు.
నిజంగా టైం కు ఆ కుక్క గనుక ఆ చిన్నారిని వెనకకు లాగకపోయి ఉండి ఉంటె మాత్రం ఆ చిన్నారి నీళ్ల ల్లో మునిగిపోయే ఛాన్స్ ఉండేది.కానీ పెంచిన విశ్వాసం తో ఆ చిన్నారి ప్రాణాలను కుక్క కాపాడడం తో నెటిజన్లు ఫిదా అయిపోతున్నారు.
.
