అధిక బరువు.నేటి కాలంలో వయస్సుతో సంబంధం లేకుండా చాలా మంది ఎదుర్కొంటున్న ప్రధాన సమస్య ఇది.శరీరంలో అధికంగా పేరుకుపోయే కొవ్వును కరిగించేందుకు నోరు కట్టేసుకుని.నానా ప్రయత్నాలు చేస్తుంటారు.
కానీ, ఎలాంటి ఫలితం లేక బాధపడతారు.అయితే బరువు తగ్గాలంటే వ్యాయామంతో పాటు సరైన ఆహారం కూడా డైట్లో చేర్చకోవాలి.
ముఖ్యంగా అధిక బరువును తగ్గించడంలో పల్లీలు(వేరుశనగలు) ఎంతో చక్కగా సహాయపడతాయి.
ప్రతి ఒక్కరి వంటింట్లోనూ తప్పనిసరిగా ఉండే ఈ పల్లీలు పేదవాడి ప్రొటీన్ అని అంటారు.
పల్లీల్లోని ప్రత్యేక పోషకాలు శరీరంలోని చెడు కొవ్వుని తగ్గించి.మంచి కొవ్వుని పెంచుతాయి.
దీని వల్ల బరువు తగ్గాలనేకునేవారికి మేలు జరుగుతుంది.అందుకే పల్లీలు రెగ్యులర్ డైట్లో చేర్చుకోమని ఆరోగ్య నిపుణులు సూచిస్తున్నారు.
కానీ, గుప్పెడుకన్నా ఎక్కువ తీసుకోరాదని అంటున్నారు.
ఇక బరువు తగ్గించడమే కాదు.పల్లీలు మరెన్నో ఆరోగ్య ప్రయోజనాలను చేకూర్చుతుంది.గుప్పెడు పల్లీలతో డయాబెటిస్ ను కూడా దూరం చేసుకోవచ్చు.
డయాబెటిస్ ఉన్నవారు కూడా పల్లీలు తీసుకుంటే.షుగర్ లెవల్స్ కంట్రోల్లో ఉంటాయి.
అలాగే పల్లీల్లో పొటాషియం అధికంగా ఉంటుంది.సోడియం తక్కువగా ఉంటుంది.
కాబట్టి, బీపీ ఉన్నవారికి ఇవి రోజుకు గుప్పెడు తీసుకుంటే.రక్త పోటు అదుపులో ఉంటుంది.అదేవిధంగా, పల్లీల్లోని అమినో యాసిడ్స్ గుండె జబ్బులను దరి చేరకుండా కాపాడతాయి.మరియు పల్లీల్లో ఉండే యాంటి ఆక్సిడెంట్స్ వ్యాధి నిరోధక శక్తిని పెంచుతాయి.
అందుకే ప్రతి రోజు గుప్పెడు పల్లీలు తినడం మంచిదని నిపుణులు చెబుతున్నారు.
తెలుగు ఆరోగ్య టిప్స్, వార్త విశేషాలు సులభముగా తెలుసుకోండి!!!!
