కోటి ఆశలతో కొత్త జీవితాన్ని ప్రారంభించే వేడుక పెళ్లి.చాలా మంది తమ పెళ్లి అందరికీ గుర్తుండిపోయేలా చేసుకోవాలని చూస్తుంటారు.
ఈ క్రమంలో కొందరు చేసే హడావుడి మామూలుగా ఉండదు.తమ పెళ్లిని అంగరంగ వైభవంగా చేసుకుంటారు.
అయితే కొన్ని సందర్భాల్లో పెళ్లి జరిగే సమయంలో అకస్మాత్తుగా ఆపేస్తుంటారు కొందరు.అయితే ఓ పెళ్లిని ఆపేసింది ఎవరో తెలిస్తే అవాక్కవ్వడం ఖాయం.
తన పెళ్లిని స్వయంగా ఓ పెళ్లికొడుకు ఆపేశాడు.
ఉత్తర్ ప్రదేశ్‌లోని మహోబాలో మెడికల్ కాలేజీ ఏర్పాటు చేయాలంటూ గతకొంత కాలంగా నిరసనలు వెల్లువెత్తుతున్నాయి.
ఈ క్రమంలో కొందరు యువకులు నిరసన చేపట్టారు.డిసెంబర్ 1న రాత్రి సమయంలో పెళ్లి చేసుకోబోయే ఓ వరుడు, యువకులు చేపట్టిన నిరసన గురించి తెలుసుకుని, తన పెళ్లిని ఆపేసి వారికి మద్దతుగా వెళ్లి నిరసన తెలిపాడు.
మహోబాలో మెడికల్ కాలేజీ ఏర్పాటు చేస్తే చాలా ప్రయోజనాలు కలుగుతాయని ఆ యువకులు తెలిపారు.
నలుగురికి ఉపయోగపడే మెడికల్ కాలేజీ ఏర్పాటు చేయాలంటూ ఆ వరుడు తీసుకున్న నిర్ణయం నిజంగా హర్షణీయం అంటూ పలువురు పొగడ్తలతో ముంచెత్తుతున్నారు.
కాగా ఆ వరుడికి సంబంధించిన ఫోటోలు ప్రస్తుతం సోషల్ మీడియాలో వైరల్ అయ్యాయి.
