రాజ్‌భవన్‌లో ఉన్న నల్ల పోచమ్మకు బోనం సమర్పించిన గవర్నర్ తమిళిసై సౌందరరాజన్

గవర్నర్ డాక్టర్ తమిళిసై సౌందరరాజన్ శనివారం ఇక్కడి రాజ్‌భవన్ ఆలయంలో ఆషాడమాసం బోనాల వేడుకల్లో పాల్గొని సంప్రదాయ బ‌ద్దంగా బోనం సమర్పించారు.

డాక్టర్ తమిళిసై సౌందరరాజన్ తన తలపై బోనం మోస్తూ రాజ్ భవన్ పరివార్ సభ్యులతో కలిసి ఆమె అధికారిక నివాసం నుంచి ఆలయానికి ఊరేగింపుగా వచ్చారు.

రాజ్‌భవన్‌లో ఉన్న నల్ల పోచమ్మకు గవర్నర్‌ బోనం సమర్పించి పూజలు చేశారు.విశాలమైన రాజ్‌భవన్‌ కాంప్లెక్స్‌లో తెలంగాణ బోనాలు జానపద గీతాలు అలరించగా, రాజ్‌భవన్‌ పండుగ శోభను సంతరించుకుంది.

“మాత మహంకాళి యొక్క దైవిక ఆశీర్వాదం కారణంగా, కోవిడ్ -19 మహమ్మారి చాలా వరకు అదుపులో ఉంది.ప్రజలంతా సాధారణ జీవితానికి రావడంతో ఈ ఏడాది బోనాల పండుగను జరుపుకునేందుకు ప్రజలు నిర్భయంగా ఆలయాలకు తరలివస్తున్నారు.

మన దేశం, తెలంగాణ శ్రేయస్సు , అభివృద్ధి , ప్రజలందరి శ్రేయస్సు కోసం నేను ప్రార్థించాను, ”అని ఆమె అన్నారు.ఈ సందర్భంగా ఉద్యోగులు, వారి కుటుంబ సభ్యులందరికీ గవర్నర్ శుభాకాంక్షలు తెలిపారు.

రాజ్‌భవన్‌లో జరిగిన బోనాలు రాష్ట్ర పండుగ వేడుకల్లో గవర్నర్‌ కార్యదర్శి కె.సురేంద్రమోహన్‌, ఇతర ఉన్నతాధికారులు గవర్నర్‌తో కలిసి పాల్గొన్నారు.