లెజెండ్ తరువాత సరైన బ్లాక్ బస్టర్ హిట్ లేని బాలకృష్ణ ప్రస్తుతం బోయపాటి శ్రీను డైరెక్షన్ లో ఇంకా పేరు పెట్టని సినిమాలో నటిస్తున్నారు.ఈ సినిమాకు గాడ్ ఫాదర్ అనే టైటిల్ వినిపిస్తుండగా ఈ టైటిల్ నే ఫిక్స్ చేస్తారో లేక మరో టైటిల్ ను ఫిక్స్ చేస్తారో తెలియాల్సి ఉంది.
ఈ సినిమా తరువాత క్రాక్ డైరెక్టర్ గోపీచంద్ మలినేని డైరెక్షన్ లో బాలకృష్ణ నటించబోతున్నారు.వరుస ఫ్లాపుల వల్ల కెరీర్ లో ఒడిదొడుకులు ఎదుర్కొంటున్న రవితేజను గోపీచంద్ మలినేని క్రాక్ మూవీలో పవర్ ఫుల్ గా చూపించి హిట్ ఇచ్చారు.
క్రాక్ సినిమాలా బాలకృష్ణకు కూడా గోపీచంద్ మలినేని బ్లాక్ బస్టర్ హిట్ ఇస్తాడని బాలయ్య ఫ్యాన్స్ భావిస్తున్నారు.అయితే ఈ సినిమాలతో పాటు బాలకృష్ణ బాలీవుడ్ లో హిట్టైన అంగ్రేజీ మీడియం సినిమా రీమేక్ లో కూడా నటించబోతున్నారని తెలుస్తోంది.
తెలుగు మీడియం అనే టైటిల్ తో ఈ సినిమా తెరకెక్కనుందని.తెలుగు భాషపై ప్రేమాభిమానాలను కలిగి ఉన్న బాలకృష్ణ తో ఈ సినిమాను తెరకెక్కించాలని కొందరు నిర్మాతలు ప్రయత్నాలు చేస్తున్నట్టు తెలుస్తోంది.
మరి బాలకృష్ణ ఈ సినిమాలో నటించడానికి గ్రీన్ సిగ్నల్ ఇస్తారో లేదో తెలియాల్సి ఉంది.నిర్మాతలు ఈ సినిమాలోని పాత్రకు బాలకృష్ణ తప్ప మరే నటుడు సరిపోరని భావిస్తున్నట్టు సమాచారం.స్పష్టంగా తెలుగు మాట్లాడే బాలకృష్ణ చాలా సందర్భాల్లో తెలుగు భాష గొప్పదనం గురించి కీలక వ్యాఖ్యలు చేశారు.బాలయ్య తెలుగు భాష విశిష్టతను తెలిపే తెలుగు మీడియంలో నటిస్తే బాలయ్య సినీ కెరీర్ లో ఆ సినిమా ప్రత్యేక సినిమాగా నిలిచే అవకాశం ఉంటుంది.
త్వరలో ఈ సినిమాకు సంబంధించి అధికారిక ప్రకటనలు వెలువడే అవకాశం ఉంది.మరోవైపు బాలకృష్ణ ప్రస్తుతం బోయపాటి దర్శకత్వంలో నటిస్తున్న సినిమా మే 28వ తేదీన విడుదల కానుంది.
రవితేజ హీరోగా నటించిన ఖిలాడీ మూవీ కూడా అదే డేట్ కు విడులవుతున్నట్టు ప్రకటన వెలువడగా బాలయ్య, రవితేజలలో ఎవరో ఒకరు తమ సినిమాల రిలీజ్ డేట్ లను మార్చుకుంటారేమో చూడాల్సి ఉంది.