భారత దేశంలో కోట్లాది మంది యూజర్లు వాట్సాప్ వినియోగిస్తున్నారు.దీంతో వాట్సాప్ ద్వారా యూజర్లకు చేరువ కావడం పలు కంపెనీలకు సింపుల్గా మారింది.
ఇప్పటికే చాలా కంపెనీలు తమ సేవలను వాట్సాప్లో లాంచ్ చేశాయి.అయితే తాజాగా మహిళల కోసమే ఏర్పాటైన సిరోనా హైజీన్ ప్రైవేట్ లిమిటెడ్ అనే సంస్థ వాట్సాప్ తో ఏకమై ఓ సరికొత్త ఫీచర్ లాంచ్ చేసింది.
ఈ ఫీచర్ కేవలం ఆడవారి కోసమే తీసుకొచ్చింది.నెలసరి సమయం, గర్భం దాల్చేందుకు సరైన సమయం, అండం ఏర్పడే తేదీ గురించి ఈ ఫీచర్ ఆడవారికి కచ్చితంగా చెబుతుంది.
అయితే ఆడవారు ఈ సేవలను ఆస్వాదించాలంటే మొదటగా తమ కాంటాక్ట్స్లో +919718866644 అనే నంబర్ సేవ్ చేసుకోవాలి.అనంతరం ఈ నంబర్కు హాయ్ (Hi) అని మెసేజ్ చేయాలి.
అప్పుడు ఒక చాట్ అసిస్టెంట్ మీకు అందుబాటులోకి వస్తుంది.రెండు ఆప్షన్స్ కూడా కనిపిస్తాయి.
అందులో మీరు “ట్రాక్ మై పీరియడ్” అనే ఆప్షన్ సెలెక్ట్ చేసుకోవడం ద్వారా ట్రాక్ పీరియడ్, ట్రయింగ్ టు కన్సీవ్, అవాయిడ్ ప్రెగ్నెన్సీ అనే మూడు ఆప్షన్స్ కనిపిస్తాయి.అందులో మీకు కావాల్సింది ఎంపిక చేసుకోవచ్చు.
గర్భం దాల్చాలని అనుకుంటున్న వారు ఏ సమయం సరైనదో తెలుసుకోవాలంటే వారు ట్రయింగ్ టు కన్సీవ్ అనే ఆప్షన్ సెలెక్ట్ చేసుకుంటే సరిపోతుంది.ఆ తర్వాత మీకు సంబంధించిన డీటెయిల్స్ అందించాలి.నెలసరి ఎప్పుడు వస్తుందనేది ఈజీగా ట్రాక్ చేయడానికి కూడా ఈ సేవ చాలా హెల్ప్ ఫుల్ గా ఉంటుంది.అంతేకాదు, యూజర్ ముందుగానే తమ నెలసరి తేదీకి సంబంధించి రిమైండర్ను సెట్ చేసుకోవచ్చు.