హెచ్ -4 వీసా దారుల అనుమతులు రద్దు చేయాలనే విషయంపై ఇంకా ఎటువంటి నిర్ణయం తీసుకోలేదని, ఇంకా ఈ విషయంలో చర్చలు జరగలేదని సంభందిత అధికారులు తెలిపారు.ఈ విషయంలో నిభంధనల అమలు ప్రక్రియ ఇంకా ప్రారంభ దశలోనే ఉందని అన్నారు.
తుది నిర్ణయం తీసుకోవడానికి కొంత సమయం పడుతుందని తేల్చి చెప్పారు.దాంతో హెచ్-4 వీసా దారులు సంతోషం వ్యక్తం చేస్తున్నారు.
హెచ్-1బీ వీసాపై ఉద్యోగం చేస్తున్న వారి జీవిత భాగస్వాములకి ఇచ్చేదే హెచ్-4 వీసా.ఈ వీసాతో పాటు అమెరికా పౌరసత్వం, వలస దారుల నిభందనలు వంటి పలు అంశాలపై చర్చించవలసిన అవసరం ఉందని హోం సెక్యూరిటీ తెలిపింది.ప్రతిభ ఉన్న వారికే అమెరికాలో స్థానం కల్పించాలని, వారికే అధిక ప్రాధాన్యత ఇస్తామని తెలిపిన విషయం విధితమే.హెచ్-4 పని అనుమతులు వలన అమెరికన్లు భారీగా నష్ట పోతున్నారని అందుకు తగ్గట్టుగా సవరణలు చేయడం కోసమే ఈ బిల్లు అని ట్రంప్ సర్కార్ వాదిస్తోంది.అయితే
హెచ్-1బీ వీసా ద్వారా అమెరికా ఆర్ధిక వృద్ధిలో కీలక పాత్ర పోషిస్తున్న వారి కుటుంబాల ఆర్ధిక భారాన్ని దృష్టిలో ఉంచుకుని ప్రభుత్వం వారి విషయంలో ఈ హెచ్-4 వీసాని ప్రవేశ పెట్టిందని పలువురు గుర్తు చేస్తున్నారు ట్రంప్ సర్కార్ కి.ఒక వేళ హెచ్ -4 వీసాపై ట్రంప్ సర్కార్ తమ నిర్ణయాన్ని అమలు చేస్తే మాత్రం అమెరికా ఆర్ధిక పరిస్థితి పై తీవ్రమైన ప్రభావం చూపుతుందని హెచ్చరిస్తున్నారు.
తెలుగు NRI వార్త విశేషాలు సులభముగా తెలుసుకోండి!!!!
