జర్మనీ దేశంలో చాలా నదులు, చెరువులు లలో ఒంటి మీద నూలు పోగు లేకుండా సన్ బాత్, అలాగే స్విమ్మింగ్ చేసుకునేందుకు ప్రభుత్వం అందరికీ అనుమతి ఇచ్చింది.అక్కడ స్థానికంగా ఈ విధానాన్ని ” ఫ్రీ బాడీ కల్చర్ ” అని పిలుస్తారు.
అయితే తాజాగా జర్మనీ దేశంలోని బెర్లిన్ నగరానికి దగ్గరగా ఉన్న ఓ నది వద్ద వ్యక్తి నగ్నంగా… ఓ అడవి పంది వెనక పరిగెడుతున్న ఫోటోలు సోషల్ మీడియాలో వైరల్ గా మారాయి.దీనికి కారణం లేకపోలేదు.
సదరు వ్యక్తి తాను నదిలో స్నానం చేయడానికి వెళ్లేముందు, నది ఒడ్డున ఓ బ్యాగులో ల్యాప్ టాప్ ను ఉంచి స్నానానికి వెళ్ళాడు.ఆయన ఆ ల్యాప్ టాప్ ను అక్కడ పెట్టి అలా వెళ్లాడో లేదో, అడవి పంది తన ఇద్దరు పిల్లలు వేసుకుని అటుగా వచ్చింది.
ఆ అడవి పంది అక్కడ పెట్టిన సంచిలో ఏదో ఆహారం ఉందని భావించి దాని నోటికి కరచుకుని పరిగెత్తింది.
ఇక అంతే తన ల్యాప్ టాప్ ను తీసుక వెళ్తున్న పందిని పట్టుకోవడానికి ఆ వ్యక్తి నగ్నంగా వాటి వెంట పరిగెత్తాడు.
అయితే ఆ సమయంలో అక్కడ అనేక మంది టూరిస్టులు కూడా ఉన్నారు.అక్కడ జరుగుతున్న సన్నివేశాన్ని అందరూ చూసి పకపకా నవ్వుకున్నారు కూడా.అలా అడవి పంది కొంత దూరం సంచిని ఎత్తుకు వెళ్ళిన తర్వాత దాన్ని ఓ చోట వదిలేసి అక్కడి నుంచి పరారైంది.అయితే ఈ మధ్యలో జరిగిన సన్నివేశాన్ని ఓ మహిళ, ఆ వ్యక్తి నగ్నంగా పరిగెత్తుతున్న ఫోటోలను తీసింది.
అయితే ఇక్కడ విడ్డూరం ఏమంటే… ఆ ఫోటోలు తీసిన మహిళ ఆ వ్యక్తి దగ్గరికి వెళ్లి తన ఫోటోలను చూపించగా అతను బొల్లున నవ్వాడు.ఆ తర్వాత ఈ ఫోటోలను సోషల్ మీడియాలో పెట్టుకోవచ్చా అని అడగగా… ఆమెకు అతడు చూపించమని తెలిపారు.
దీంతో ఆ ఫోటోలు కాస్త సోషల్ మీడియాలో వైరల్ గా మారాయి.సదరు వ్యక్తి ల్యాప్ టాప్ తీసుకున్న తర్వాత… ల్యాప్ టాప్ ఎక్కడ పగిలిపోతుందో అన్న ఖంగారు లో తను డ్రెస్ వేసుకోవడం కూడా మర్చిపోయానని తెలిపాడు.
దీంతో స్థానికులు ఆయనకు చప్పట్లు కొట్టి మరి కంగ్రాట్స్ చెప్పారు.
