మెగా ప్రిన్స్ వరుణ్ తేజ్ హీరోగా కిరణ్ కొర్రపాటి తెరకెక్కిస్తున్న సినిమా గని.అల్లు బాబీ కంపెనీ, Renaissance పిక్చర్స్ సంయుక్తంగా నిర్మిస్తున్న ఈ సినిమాకు మెగా నిర్మాత అల్లు అరవింద్ సమర్పకుడిగా ఉన్నారు.
ఈ సినిమా కోసం వరుణ్ తేజ్ చాలా మేకోవర్ అయ్యారు.సిక్స్ ప్యాక్ చేసి సరికొత్త ఫిజిక్‌తో కనిపిస్తున్నారు.
జనవరి 19న ఈయన పుట్టిన రోజు సందర్భంగా టీజర్ విడుదల చేసారు దర్శక నిర్మాతలు.దీనికి అద్భుతమైన స్పందన వస్తుంది.
ముఖ్యంగా వరుణ్ తేజ్ మేకోవర్ అందరికీ బాగా నచ్చేస్తుంది.
ఇందులో బాక్సర్‌గా నటిస్తున్నారు వరుణ్ తేజ్.
దీనికోసం బాక్సింగ్ ట్రైనింగ్ కూడా తీసుకున్నారు.ప్రొఫెషనల్ బాక్సర్స్‌తో కలిసి సినిమాలో నటిస్తున్నారు వరుణ్ తేజ్.
సాయి మంజ్రేకర్ హీరోయిన్‌గా నటిస్తున్న ఈ చిత్రంలో జగపతిబాబు, సునీల్ శెట్టి, ఉపేంద్ర, నవీన్ చంద్ర కీలక పాత్రల్లో నటిస్తున్నారు.తాజాగా విడుదలైన టీజర్ సినిమాపై అంచనాలు మరింత పెంచేస్తుంది.
సినిమాకు సంబంధించిన మరిన్ని వివరాలు త్వరలోనే తెలియజేయనున్నారు మేకర్స్.
నటీనటులు:
వరుణ్ తేజ్, సాయి మంజ్రేకర్, జగపతిబాబు, సునీల్ శెట్టి, ఉపేంద్ర, నవీన్ చంద్ర తదితరులు
టెక్నికల్ టీమ్: దర్శకుడు: కిరణ్ కొర్రపాటి, నిర్మాతలు: అల్లు బాబీ, సిద్దు ముద్ద, సమర్పకుడు: అల్లు అరవింద్, ప్రొడక్షన్ డిజైనర్: రవీందర్ సినిమాటోగ్రపీ: జార్జ్ సి విలియమ్స్, ఎడిటర్: మార్తాండ్ కే వెంకటేష్ సంగీతం: థమన్, పిఆర్ఓ: వంశీ కాక, ఏలూరు శ్రీను
.
