బిగ్‌ బాస్‌ సీజన్‌ 4 లో ప్రత్యేక ఆకర్షణగా నిలస్తున్న గంగవ్వకు గత వారంలో వచ్చిన ఓట్ల సంఖ్య చూస్తే మైండ్‌ బ్లాంక్‌ అవ్వాల్సిందే.మొత్తం అయిదు కోట్ల ఓట్లు నమోదు అవ్వగా అందులో దాదాపుగా రెండు కోట్లకు పైగా గంగవ్వకు దక్కినట్లుగా స్టార్‌ మా వర్గాల ద్వారా సమాచారం అందుతోంది.
గంగవ్వకు మంచి క్రేజ్‌ ఉంది.ఆమె చాలా ప్రత్యేకంగా ఉండటంతో పాటు ఒక సాదారణ పల్లెటూరుకు చెందిన వృద్దురాలు ఈ వయసులో అంత క్రేజ్‌ ను దక్కించుకుని బిగ్‌ బాస్‌ వరకు వెళ్లడం అంటే మామూలు విషయం కాదు.
అందుకే ఆమెకు మద్దతుగా నిలవాలని చాలా మంది అనుకుంటున్నారు.సోషల్ మీడియాలో చాలా మంది గంగవ్వ కోసం అయినా షో చూస్తాం అంటున్నారు.
బిగ్‌ బాస్‌ షో నిర్వాహకులకు ఖచ్చితంగా గంగవ్వ వల్ల మంచి లాభం దక్కింది అనడంలో సందేహం లేదు.ముందు నుండే గంగవ్వకు ఉన్న క్రేజ్‌ నేపథ్యంలో ఆమెకు మంచి ఫారితోషికం ఆఫర్‌ చేసినట్లుగా తెలుస్తోంది.
కాస్త కష్టం అయినా కూడా గంగవ్వ షో లో ఉండాలని ఇల్లు లేని తాను ఒక మంచి ఇంటిని ఏర్పాటు చేసుకోవాలని భావిస్తుందట.మా వర్గాల నుండి అందుతున్న విశ్వసనీయ సమాచారం ప్రకారం గంగవ్వకు వారంకు మూడు లక్షల పారితోషికం చొప్పున ఇస్తున్నారట.
షో లో అత్యధికంగా లాస్యకు రోజుకు లక్ష రూపాయల చొప్పున ఇస్తున్నట్లుగా సమాచారం.గంగవ్వ కంటే చాలా మందికి తక్కువ పారితోషికం ఇస్తున్నట్లుగా కూడా సమాచారం అందుతోంది.
గంగవ్వ రెండు మూడు వారాల కంటే ఎక్కువగా ఉండలేను అంటోంది.ఆమె కాస్త ఇబ్బంది పడుతున్నట్లుగా ఆమెను మాట్లాడిస్తే అర్థం అవుతుంది.
షో నిర్వాహకులు కూడా ఆమె రెండు మూడు వారాలు మహా అయితే అయిదు వారాలు ఉన్నా కూడా గొప్ప విషయంగానే భావిస్తున్నారు.షో కు అప్పటి వరకు అయినా మంచి క్రేజ్‌ ఉంటుందని భావిస్తున్నారట.
గంగవ్వ తానంతగా తాను పోతాను అనే వరకు ఆమె ఉండనుంది అంటున్నారు.ఒక వేళ ఆమె ఎలిమినేషన్స్‌ కు వచ్చినా కూడా ఓట్లు వేసేందుకు అంతా సిద్దంగా ఉన్నారు.
