యాంకర్ నుండి హీరోలుగా మారిన వారి సంఖ్య టాలీవుడ్‌లో చాలానే ఉంటుంది.తాజాగా వారి జాబితాలో చేరాడు యాంకర్ ప్రదీప్.బుల్లితెరపై తనదైన యాంకరింగ్ స్టైల్‌తో ప్రేక్షకులను అలరించిన ఈ యాంకర్, ఇప్పుడు వెండితెరపై హీరోగా మారి తన అదృష్టాన్ని పరీక్షించుకుంటున్నాడు.
‘30 రోజుల్లో ప్రేమించడం ఎలా?’ అనే ఆసక్తికరమైన టైటిల్‌తో ఒక పూర్తి రొమాంటిక్ ఎంటర్‌టైనర్ మూవీతో మనముందుకు వస్తున్నాడు.ఈ సినిమాకు సంబంధించిన పోస్టర్స్, సాంగ్స్, టీజర్స్ ఇప్పటికే అదిరిపోయే రెస్పాన్స్‌ను దక్కించుకున్నాయి.ఇక ఈ సినిమాను రిలీజ్ చేసేందుకు రెండు పెద్ద ప్రొడక్షన్ కంపెనీలు ముందుకు వచ్చాయి.
అల్లు అరవింద్‌కు చెందిన GA2, యువీ క్రియేషన్స్ సంయుక్తంగా ఈ సినిమాను ప్రపంచవ్యాప్తంగా రిలీజ్ చేయనున్నాయి.
ప్రదీప్ హీరోగా మారిన ఈ సినిమాలో అమృత అయ్యర్ హీరోయిన్‌గా నటిస్తున్నాడు.
ఈ సినిమాను మున్నా అనే దర్శకుడు డైరెక్ట్ చేస్తున్నాడు.మార్చి 25న ప్రపంచ వ్యాప్తంగా రిలీజ్ కానున్న ఈ సినిమా ఎలాంటి విజయాన్ని అందుకుంటుందో చూడాలి.
