శర్వానంద్ హీరోగా రూపొందిన శ్రీకారం సినిమా పై అంచనాలు ఆకాశాన్ని తాకేలా ఉన్నాయి.మొన్నటి వరకు ఈ సినిమా గురించి పెద్దగా పట్టించుకోని జనాలు ఈ సినిమా కు చిరంజీవి చరణ్‌ తో పాటు ఇంకా ప్రముఖులు ప్రచారం చేస్తున్న నేపథ్యంలో ఆసక్తి పెంచేసుకున్నారు.
ఈ సినిమా షూటింగ్ గత ఏడాది పూర్తి అయినా కూడా ఇప్పటి వరకు విడుదల విషయమై థియేటర్‌ రిలీజ్ కే మొగ్గు చూపించారు.రైతుల పై వ్యవసాయంపై రూపొందిన ఈ సినిమా తప్పకుండా ఘన విజయం అవుతుందనే నమ్మకంను చిరంజీవి వ్యక్తం చేసిన విషయం తెల్సిందే.
ఈ సినిమా కు మూలం ఒక షార్ట్‌ ఫిల్మ్ అంటూ ఇండస్ట్రీ వర్గాల వారు అధికారికంగానే అంటున్నారు.కిషోర్ రెడ్డి దర్శకత్వంలో దాదాపు అయిదేళ్ల క్రితం వచ్చిన ఆ షార్ట్‌ ఫిల్మ్ లోని మూల కథను తీసుకుని ఈ సినిమా ను చేయడం జరిగిందట.
ఆ షార్ట్‌ ఫిల్మ్ ను ఉపయోగించి మహర్షి సినిమా లోని సెకండ్‌ పార్ట్‌ ను రూపొందించారట.అందుకే అప్పట్లో యూట్యూబ్‌ నుండి ఆ షార్ట్‌ ఫిల్మ్ ను తొలగించడం జరిగింది.
మహర్షి సినిమా కు లైన్ ను మాత్రమే తీసుకున్నారు కాని శ్రీకారం సినిమా మాత్రం పూర్తిగా తీసేసుకున్నారు.ఒక కమర్షియల్‌ సినిమా హంగులను ఆ షార్ట్‌ ఫిల్మ్ కు అద్ది పూర్తి స్థాయిలో శ్రీకారం అన్నట్లుగా విడుదల చేయబోతున్నారు.
వరుసగా సినిమా లు చేస్తున్న శర్వానంద్ ఈ సినిమా తో సక్సెస్ అందుకుంటాడని షార్ట్‌ ఫిల్మ్ సెంటిమెంట్‌ తో కొందరు అంటున్నారు.ఎందుకంటే మహర్షి సినిమా ను ఆ షార్ట్‌ ఫిల్మ్ నుండి తీసి సక్సెస్ అయ్యారు.
ఇప్పుడు ఈ సినిమా తో కూడా సక్సెస్ దక్కించుకోవడం ఖాయం అంటున్నారు.ఈ రెండు సినిమా లు కూడా ఒకే షార్ట్‌ ఫిల్మ్ నుండి రావడంతో అసలు ఆ షార్ట్‌ ఫిల్మ్ ఏమై ఉంటుంది అంటూ నెటిజన్స్‌ సెర్స్‌ చేస్తున్నారు.
కాని ఆ షార్ట్‌ ఫిల్మ్ ఇప్పుడు ఎక్కడ కూడా అందుబాటు లో లేదు.మహర్షి సినిమా విడుదల సమయంలోనే ఆ షార్ట్‌ ఫిల్మ్ ను తొలగించారు.
