ఈ కరోనా సమయంలో మానవ దృక్పదంతో సోషల్ సర్వీస్ చేసే వారు కొందరైతే, అందిన కాడికి దోచుకుంటున్న వారు మరికొందరు ఉన్నారు.నాకేంటి లాభం అనే ధోరణి స్వార్ధంతో కలిసిపోయింది.
ఫలితంగా ప్రస్తుతం సమాజంలో దోపిడి ఎక్కువైంది.
ఇక అక్కడక్కడ మంచి చేసే వారు కూడా ఉన్నారు.
కానీ వీరు అంత త్వరగా గుర్తించబడరు.ఇకపోతే నగరంలో కరోనా కారణంగా విధించిన లాక్డౌన్తో కొందరికి చాలా ఇబ్బంది ఎదురవుతున్న విషయం తెలిసిందే.
ముఖ్యంగా గర్భిణి స్త్రీలకు ఇబ్బంది తీవ్రంగా ఉంది.ఏదైన సమస్య వచ్చినప్పుడు హస్పటల్కు వెళ్లుదాం అంటే క్యాబ్స్ దొరకడం లేదు.
ఈ నేపధ్యంలో క్యాబ్ డ్రైవర్ల అసోసియేషన్ ముందుకు వచ్చింది.
గర్భిణులకు హెల్త్ చెకప్లు, అత్యవసరంగా హాస్పిటల్స్ కు తరలించేందుకు ఫ్రీ క్యాబ్ సర్వీసును మొదలు పెట్టినట్లుగా ఫెడరేషన్ జనరల్ సెక్రటరీ సల్లావుద్దీన్ తెలిపారు.
కాగా క్యాబ్ అవసరం అయిన వారు +91-9177624678 నంబర్ కు సంప్రదించి క్యాబ్ బుకింగ్ చేసుకోవచ్చన్నారు.ఇకపోతే ప్రస్తుతం సిటీలో 5 క్యాబ్ లు అందుబాటులో ఉన్నాయని, అవసరం ఉన్న వారు నగరంలోని ఏ మూల నుండైన ఈ సేవలు పొందవచ్చని వెల్లడించారు.