మంచి ఆహారం తినాలన్నా, ఆహారాన్ని బాగా తినాలన్న దంతాలు బలంగా ఉండటం అవసరం.అంతేకాదు, మన అందానికి కారణం చిరునవ్వు, ఆ చిరునవ్వు అందంగా ఉండాలన్న దంతాలు ఆరోగ్యంగా ఉండటం అవసరం.
మరి దంతాలకి అవసరమైన ఆహారాన్ని అందిస్తున్నారా ?
* దంతాలు కాని, ఎముకలు కాని, బలంగా ఉండాలంటే కాల్షియం దొరకడం ముఖ్యం.కాబట్టి కాల్షియం బాగా దొరికే ఆహారాన్ని ప్రేమించండి.
* దంతాలు అందంగా ఉండాలంటే నీళ్ళు బాగా తాగాలి.నీళ్ళు బాగా తాగడం వలన చిగుర్లు తేమగా ఉండి, పళ్ళు బలంగా ఉంటాయి.
* అరెంజ్ ని కలుపుకోని, సిట్రస్ జాతి ఫలాలు దంతానికి మంచివే.ఇవి బ్యాక్టిరియా తొలగించడానికి సహాయపడతాయి.
కాని, సిట్రస్ ఫలాలు తిన్న తరువాత నోటిని శుభ్రపరుచుకోవడం మరచిపోవద్దు.
* పాలలో కాల్షియంతోపాటు విటమిన్ డి బాగా లభిస్తుంది.
కాబట్టి పాలు తాగడం దినచర్యలో ఓ భాగంగా భావించండి.
* ఆపిల్ తినటం వలన నోటిలో లాలాజలం శాతం పెరుగుతుంది.
దాంతో దంతాలకు రంధ్రాలు పడే ప్రమాదం తగ్గుతుంది.
* టీ, కాఫీకి బదులు గ్రీన్ టీ తాగితే దంతాలకి మేలు చేసినవారవుతారు.
దీనిలో లభించే పాలిఫెనోల్స్ బ్యాక్టిరియాని తొలగించడమే కాదు, టీ, కాఫీ మోసుకొచ్చే ప్రమాదాలు తీసుకురాదు.
* నట్స్, డార్క్ చాకోలేట్, చీజ్ కూడా దంతాల ఆరోగ్యానికి మంచివి.
