ప్రస్తుతం కరోనా వైరస్ భారతదేశంలో సెకండ్ వేవ్ ఏవిధంగా కొనసాగుతుందో ప్రత్యేకంగా చెప్పాల్సిన అవసరం లేదు.గత పది రోజుల నుండి ఏకంగా మూడు లక్షలకు పైగా ప్రతిరోజు కొత్త కేసులు నమోదవుతుండడం గమనిస్తూనే ఉన్నాం.
ఈ నేపథ్యంలోనే భారతదేశ ప్రభుత్వం వ్యాక్సినేషన్ వేయించుకోవాలని రిజిస్ట్రేషన్ ప్రక్రియను మొదలు పెట్టిన సంగతి మనకు తెలిసిందే.ఇందులో భాగంగానే తాజాగా వాట్సాప్ బాట్ ను కూడా కేంద్ర ప్రభుత్వం సిద్ధం చేసింది.
ఈ వాట్సప్ బాట్ ను ఉపయోగించాలంటే దాని కోసం ఏం చేయాలన్న విషయాన్ని ఇప్పుడు తెలుసుకుందాం.
మొదటిగా మీ స్మార్ట్ మొబైల్ లో +919013151515 నెంబర్ ను ఏదో ఒక పేరుతో సేవ్ చేసుకొని, ఆ నెంబర్ ను వాట్సాప్ లో ఓపెన్ చేసి నమస్తే అని మెసేజ్ పంపించాలి.
దీంతో వెంటనే My Gov Corona Helpdesk కి సంబంధించి ఆక్టివేట్ కాబడుతుంది.వెంటనే మీరు పంపించిన నెంబర్ కు గవర్నమెంట్ నుండి ఓ మెసేజ్ వస్తుంది.
అందులో పూర్తి సమాచారం సంబంధించి మొత్తం 9 నెంబర్లు ఉన్న విడివిడి సమాచారాన్ని పొందుపరచి ఉంటుంది.అందులో మీకు కావలసిన వివరాల కోసం నెంబర్ ని తిరిగి రిప్లై ఇవ్వాల్సి ఉంటుంది.ఇందులో భాగంగానే మీ దగ్గర్లోని కోవిద్ వాక్షిన్ సెంటర్స్ సమాచారం తెలుసుకోవాలంటే.1 అని రిప్లై ఇవ్వమని అడుగుతుంది.అలా 1 నెంబర్ ను రిప్లై ఇవ్వగానే మీ పిన్ కోడ్ ను ఎంటర్ చేయమని అడుగుతుంది.అలా మీరు వెంటనే పిన్ కోడ్ సెండ్ చేస్తే మీ దగ్గరలో ఉన్న కోవిడ్ వాక్సినేషన్ సెంటర్ల వివరాలను పక్కా సమాచారంతో మీకు అందజేయబడుతుంది.
ఆ మెసేజ్ లో కేవలం వ్యాక్సినేషన్ సెంటర్ వివరాలు మాత్రమే కాకుండా.వాక్సినేషన్ కోసం దరఖాస్తు చేసుకోవాల్సిన లింకు కూడా పంపించబడుతుంది.
ఇక ఈ సంభాషణ మొత్తం కేవలం ఆంగ్ల భాషలో మాత్రమే కొనసాగింపబడుతుంది.ఇతర ఏ ప్రాంతీయ బాష కూడా ఈ వాట్సప్ బాట్ స్పందించదు.
కాబట్టి మీకు వాక్సినేషన్ సంబంధించి ఎటువంటి అనుమానాలు ఉన్న ఈ విధంగా ప్రయత్నించి మీకు కావలసిన పూర్తి సమాచారాన్ని పొందండి.