మనిషి ముఖం తో చేప కనపడడం ఏంటి అని అనుకుంటున్నారా.అదేదో తెలుగు సినిమా లో సాగర కన్య లాగా తల భాగం మనిషి గా, కింద భాగం చేప లాగా ఉన్న విషయం గుర్తుకు వస్తుంది కదూ.
కానీ వాస్తవానికి అది చేప నే కానీ దాని ముఖం చూస్తే మాత్రం అచ్చం మనిషి లా ఉందట.ఈ ఘటన చైనా లో చోటుచేసుకుంది.
చైనా లోని ఒక కుగ్రామంలో దారంతా వెళుతున్న ఒక యువతికి చెరువు లో చేప కనిపించింది.అయితే ఆ చేపను చూసిన ఆ యువతి ఆశ్చర్యానికి గురైంది.
ఎందుకంటే ఆ చేప తల చూడడానికి అచ్చం మనిషి ముఖం లాగా కనిపించడం తో ఆశ్చర్యపోవడం ఆ యువతి వంతు అయ్యింది.ఆ చేపను చూసి ఒక్కసారిగా తన కళ్ళను తానే నమ్మలేకపోయింది.
మనిషి నోరు, ముక్కు, కళ్ళ రూపు కలిగిన అది నీటిలో ఈదడం చూసి ఆమె ఒక్కసారిగా ఖంగుతినింది.మొత్తానికి తనకు జరిగిన ఈ ఎక్స్ పీరియన్స్ ను అందరికి షేర్ చేయాలనీ దీని తాలూకు వీడియోను తన ఫేస్ బుక్ లో పోస్ట్ చేసింది.
కేవలం 17 సెకండ్ల పాటు ఉన్న ఈ వీడియో చూసిన వారంతా తలో రకంగా స్పందించారు.
అసలది చేపేనా ? లేక ఆ యువతి ఏదో ‘ మాయాజాలం ‘ చేసి.మార్ఫింగ్ తో ఈ వీడియోను రూపొందించిందా కొందరు నెటిజన్లు కామెంట్ చేస్తుండగా, మరికొందరు మాత్రం అది నిజమైన మత్స్యమేనని, ఇలాంటివి చాలా అరుదుగా ఉంటాయంటూ సమర్థిస్తున్నారు.మరి ఇలాంటి మనిషి ముఖాన్ని పోలిన చేపలు కూడా ఉంటాయి అన్న విషయం దీనిని చూస్తే మాత్రం అర్ధం అవుతుంది.