హైదరాబాద్ లో ఉన్న అక్కినేని కుటుంబానికి చెందిన అన్నపూర్ణ స్టూడియోలో శుక్రవారం ఉదయం అగ్ని ప్రమాదం జరిగిన సంగతి తెలిసిందే.ఓ సినిమా షూటింగ్ కోసం వేసిన సెట్ లో షార్ట్ సర్క్యూట్ కారణంగా అగ్ని ప్రమాదం జరిగిందని మీడియాలో ప్రచారం జరిగింది.
అయితే, వెంటనే అగ్నిమాపక సిబ్బంది స్పందించి అగ్నిని ఆపడంతో భారీ ప్రమాదం తప్పింది అని , పెద్దగా ఆస్తి నష్టం జరగలేదు అని ప్రచారం చేశారు.
అయితే , అదే అన్నపూర్ణ స్టూడియో లోనే బిగ్‌బాగ్ తెలుగు 4 సెట్ సైతం ఉండటం గమనార్హం.
దీంతో బిగ్‌బాస్ 4 సెట్ లోనూ అగ్ని ప్రమాదం జరిగిందని సోషల్ మీడియాలో ప్రచారం జరిగింది.దీంతో తమ అభిమాన కంటెస్టెంట్లు ఎలా ఉన్నారో అంటూ ఆందోళన వ్యక్తం అయింది.
తాజాగా అగ్ని ప్రమాదం ఘటనపై అన్నపూర్ణ స్టూడియోస్ స్పందించింది.అసలు స్టూడియో లో ప్రమాదమేమీ జరగలేదు అని స్పష్టం చేసింది.
ఈ ప్ర‌మాదంపైఅక్కినేని నాగార్జున కూడా స్పందించారు.ఈ రోజు ఉదయం నుంచి అన్నపూర్ణ స్టూడియోలో అగ్ని ప్ర‌మాదంపై వార్త‌లు వ‌స్తున్నాయ‌ని, అయితే అన్నపూర్ణ స్టూడియోలో అలాంటిదేం జ‌ర‌గ‌లేద‌ని, అంతా బాగానే వుంద‌ని, అది ఓ త‌ప్పుడు వార్త అని క్లారిటీ ఇచ్చారు.
ఈ మేర‌కు నాగ్ ఓ ట్వీట్ చేశారు.
