టీడీపీ-వైసీపీ వర్గాల మధ్య కొట్లాట... నలుగురు పరిస్థితి విషమం

ఏపీలో ఈ మధ్య కాలంలో అధికార పార్టీ తమ ప్రత్యర్థి పార్టీ కార్యకర్తలు, నాయకుల మీద దాడులకి తెగబడింది.ప్రత్యక్షంగా, పరోక్షంగా విపక్షాలని బెదిరించడం, భయపెట్టడం అధికార పార్టీ నేతలు చేస్తున్నారు.

 Fightbetween Tdp And Ysrcp Cadre-TeluguStop.com

వారికి భయపడి రాయలసీమ ప్రాంతాలలో కొంత మంది సొంత ఊళ్లు విడిచి పెట్టి బయటి ప్రాంతాలకి వెళ్లిపోతున్నారు.ఈ దాడులు, ప్రతి దాడులకి సంబందించిన వీడియోలు సోషల్ మీడియాలో విస్తృతంగా వైరల్ అవుతున్నాయి.

ఆ మధ్య శ్రీకాకుళం జిల్లా లావేరు మండలంలో వైసీపీ, టీడీపీ కార్యకర్తల మధ్య జరిగిన కొట్లాటలో ఇద్దరు ప్రాణాలు కోల్పోయారు.

ఇదిలా ఉంటే మళ్ళీ అదే జిల్లాలో ఎల్.ఎన్.పేట మండలంలో వైసీపీ, టీడీపీ కార్యకర్తలు పరస్పరం భౌతికదాడులకు తెగబడ్డారు.సోమవారం మండల కేంద్రంలోని ఎంపీడీవో కార్యాలయంలో జాతీయ ఉపాధి హామీ పథకం సామాజిక తనిఖీ జరిగిన నేపథ్యంలో ఇరు పక్షాల మధ్య వివాదం తలెత్తింది.దీంతో ఇరు పార్టీల నేతలు కుర్చీలతో పరస్పరం దాడి చేసుకున్నారు.

దాంతో పాటు కర్రలతో కొట్టుకున్నారు.ఈ దాడిలో పదిమంది తీవ్రంగా గాయపడగా వీరిలో నలుగురి పరిస్థితి విషమంగా ఉందని తెలుస్తుంది.

గాయపడిన వారందరినీ స్థానిక ప్రభుత్వాస్పత్రికి తరలించి పోలీసులు సంఘటనా స్థలానికి చేరుకొని రెండు వర్గాల వారిని అదుపు చేశారు.రెండు వర్గాల ఫిర్యాదులతో కేసులు నమోదు చేశారు.

#AP #Tdp YSRCP #AP #Cadre #AP

తెలుగు వార్త విశేషాలు సులభముగా తెలుసుకోండి!!!!

ప్రతి రోజు ముఖ్యమైన వార్త విశేషాలు ,సినిమా,రాజకీయ విశ్లేషణలు,ఆరోగ్య సూత్రాలు,ఎన్నారై ,వీసా సమాచారం కోసం తెలుగుస్టాప్ డైలీకి Subscribe చేయండి,సోషల్ మీడియా లో ఫాలో అవ్వండి.మీ ఇమెయిల్/ఫోన్ నెంబర్(Country Code) తో నమోదు చేయండి.
Follow Us on Facebook Follow Us on WhatsApp  Follow Us on Twitter Follow Us on YouTube

తాజా వార్తలు