అగ్రరాజ్యం అమెరికా అల్ఖైదా అంతర్జాతీయ తీవ్రవాది, మోస్ట్ వాంటెడ్ ఒసామాబిన్ లాడెన్ గురించి అంత తేలికగా మరిచిపోలేదు.ఎందుకంటే అతడి చర్య వల్ల ఆ దేశం ఎంత నష్టపోయింది అందరికీ తెలిసిందే.
అయితే ఇప్పుడు లాడెన్ కుమారుడైన హమ్జా బిన్ లాడెన్ గురించి అమెరికా ఆరా తీస్తున్నట్లు తెలుస్తుంది.అమెరికా అత్యున్నత దర్యాప్తు సంస్థ ఫెడరల్ బ్యూరో ఆఫ్ ఇన్వెస్టిగేషన్ (ఎఫ్ బీ ఐ) ఆరా తీస్తున్నట్లు సమాచారం.
ఈ క్రమంలో ఎఫ్ బీ ఐ హమ్జా కార్యకలాపాలపై మరింత సమాచారం కావాలని కోరుతూ ఒక పోస్ట్ ను పెట్టింది.హమ్జా బిన్ లాడెన్ అల్ ఖైదాలో చేరి అమెరికాను బహిరంగంగానే హెచ్చరిస్తూ ప్రకటనలు కూడా చేయడం తో లాడెన్ కుమారుడు హమ్జాను అమెరికా 2017లోనే అంతర్జాతీయ తీవ్రవాదిగా గుర్తించింది.
ఈ క్రమంలో గతంలో హమ్జా బిన్ లాడెన్ ఆచూకీ చెప్పినా, అతన్ని పట్టిచ్చినా మిలియన్ డాలర్లను బహుమతిగా ఇస్తామని అమెరికా ప్రకటించిన సంగతి తెలిసిందే.అరబ్బీ భాష మాట్లాడే హమ్జా అఫ్ఘనిస్థాన్, పాకిస్థాన్, సిరియా, ఇరాన్ దేశాల్లో ఉండవచ్చిన ఎఫ్ బీ ఐ అనుమానం వ్యక్తం చేస్తుంది.
హమ్జా అల్ ఖైదా సీనియర్ నాయకుడు అబ్దుల్లా అహ్మద్ కుమార్తెను వివాహమాడారని అమెరికాకు సమాచారం అందింది.హమ్జా బిన్ లాడెన్ ఉగ్రవాద కార్యకలాపాలకు పాల్పడుతున్న నేపథ్యంలో సౌదీఅరేబియా హమ్జా బిన్ లాడెన్ పౌరసత్వాన్ని రద్దు చేసింది కూడా.
