స్టార్ హీరో ప్రభాస్ కెరీర్ లో ఎన్నో విజయవంతమైన సినిమాలు ఉన్నాయి.అయితే బాహుబలి సిరీస్ వల్ల ప్రభాస్ మార్కెట్ పెరిగింది.
ప్రభాస్ కు బాహుబలి సిరీస్ అన్ని విధాలుగా ప్లస్ అయిందని చెప్పవచ్చు.బాహుబలి సిరీస్ సినిమాలు బాలీవుడ్ ఇండస్ట్రీలో కళ్లు చెదిరే కలెక్షన్లను సొంతం చేసుకున్నాయి.
బాహుబలి సిరీస్ తర్వాత ప్రభాస్ నటించిన సాహో సినిమాకు కూడా బాలీవుడ్ ప్రేక్షకులు బ్రహ్మరథం పట్టారు.
రాజమౌళి సపోర్ట్ తో బాలీవుడ్ ఇండస్ట్రీలోకి ఎంట్రీ ఇస్తే పాన్ ఇండియా హీరోలుగా గుర్తింపును సొంతం చేసుకోవడం ఖాయమని ఫ్యాన్స్ లో నమ్మకం ఉంది.
పుష్ప సినిమాతో టాలీవుడ్ స్టార్ హీరో బన్నీకి సైతం బాలీవుడ్ ఇండస్ట్రీలో మంచి గుర్తింపు వచ్చింది.అయితే అల్లు అర్జున్ ఫ్యాన్స్ సోషల్ మీడియా వేదికగా ప్రభాస్ ను టార్గెట్ చేస్తూ ప్రభాస్ లాటరీ స్టార్ అంటూ కామెంట్లు చేస్తున్నారు.
పుష్ప ది రైజ్ అంచనాలను మించి కలెక్షన్లు సాధించిందని బన్నీ మాత్రమే రియల్ స్టార్ అని బన్నీ ఫ్యాన్స్ అభిప్రాయపడుతున్నారు.
బన్నీ పూర్తిస్థాయిలో ఆల్ రౌండర్ అని ప్రభాస్ ఆల్ రౌండర్ కాదని బన్నీ ఫ్యాన్స్ సోషల్ మీడియా వేదికగా విమర్శలు చేస్తున్నారు. బన్నీ, అల్లు అర్జున్ మధ్య ఎలాంటి విభేదాలు లేకపోయినా అభిమానులు మాత్రం గొడవలు పడుతూ సోషల్ మీడియా ద్వారా వార్తల్లో నిలుస్తున్నారు.పుష్ప హిందీ కలెక్షన్లు ప్రభాస్ సినిమా తొలిరోజు కలెక్షన్లంత కూడా లేవని ప్రభాస్ ఫ్యాన్స్ కామెంట్లు చేస్తున్నారు.
సాహో సినిమా బాలీవుడ్ కలెక్షన్లను చూసి బన్నీ ఫ్యాన్స్ కామెంట్లు చేయాలని ప్రభాస్ ఫ్యాన్స్ చెబుతున్నారు.స్టార్ హీరోలు ఈ సోషల్ మీడియా వార్ కు చెక్ పెడితే బాగుంటుందనే కామెంట్లు వినిపిస్తున్నాయి.
టాలీవుడ్ స్టార్ హీరోలు ఈ దిశగా అడుగులు వేస్తారో లేదో చూడాల్సి ఉంది.