ఉత్తరప్రదేశ్‌లో( Uttar Pradesh ) ఓ ఘరానా మోసగాడు పోలీసులకు చిక్కాడు.హరికేష్ పాండే( Harikesh Pandey ) అనే ఈ యువకుడు చేసిన పని తెలిస్తే షాకవుతారు.
అమ్మాయిల్ని బుట్టలో వేసి, లక్షలు కొట్టేయడం అతని హాబీ.ఈ హరికేష్ పాండేది ప్రతాప్‌గఢ్ జిల్లాలోని భగవాన్‌పూర్ ముఫారిద్ గ్రామం.
కానీ అతని టార్గెట్ మాత్రం ప్రభుత్వ ఉద్యోగాలు చేసే అమ్మాయిలే.మ్యాట్రిమోనియల్ వెబ్‌సైట్‌లలో నకిలీ ప్రొఫైల్స్ క్రియేట్ చేసేవాడు.
అందులో తను ఐఏఎస్ ఆఫీసర్( IAS Officer ) అని గొప్పలు చెప్పుకునేవాడు.పెళ్లి చేసుకుంటానని నమ్మబలికేవాడు.
అసలు పేరు హరికేష్ పాండే అయితే, తన ఫేక్ ప్రొఫైల్‌కి మాత్రం తన తమ్ముడు ముఖేష్ కుమార్ పాండే పేరు పెట్టాడు.అంతేకాదు, హార్డోయిలో జాయింట్ మేజిస్ట్రేట్‌గా పనిచేస్తున్నానని కూడా అబద్ధాలు చెప్పాడు.
అమ్మాయిలకు మాయమాటలు చెప్పి, వాళ్లని నమ్మించేవాడు.హరికేష్ పాండే తన మాటలు నిజమని నమ్మించడానికి నకిలీ డాక్యుమెంట్లు కూడా సృష్టించాడు.
అపాయింట్‌మెంట్ లెటర్స్, పాన్ కార్డులు, బ్యాంక్ అకౌంట్ డీటెయిల్స్ అన్నీ ఫేక్‌వే వాడాడు.ఈ నకిలీ డాక్యుమెంట్స్‌తోనే అమ్మాయిల్ని పూర్తిగా నమ్మించేవాడు.
ఇలానే ఈ ఏడాది ఫిబ్రవరి 11న ఓ మహిళా ఐఏఎస్ అధికారికి వల వేశాడు.తను చెప్పిన అబద్ధపు మాటలు నమ్మి ఆమె లొంగిపోయింది.ఏకంగా రూ.2.10 లక్షలు కాజేశాడు ఈ ఘనుడు.కొత్త ఉద్యోగం, జీతం ఇంకా రాలేదని చెప్పి ఆమె దగ్గర డబ్బులు గుంజాడు.
లక్ష నగదుగా తీసుకున్నాడు, లక్షా ఇరవై మూడు వేలు ఆన్‌లైన్‌లో ట్రాన్స్‌ఫర్ చేయించుకున్నాడు.
కొంతకాలం తర్వాత ఇంకో కొత్త డ్రామా మొదలుపెట్టాడు.
హార్డోయి నుంచి కాస్‌గంజ్‌కి ట్రాన్స్‌ఫర్ అయిందని చెప్పాడు.దీంతో ఆ మహిళా ఐఏఎస్ అధికారికి( Female IAS Officer ) అనుమానం వచ్చింది.
హార్డోయిలో ముఖేష్ కుమార్ పాండే అనే జాయింట్ మేజిస్ట్రేట్ ఉన్నారా అని ఆరా తీసింది.అప్పుడే తెలిసింది అసలు విషయం.
అలాంటి పేరుతో ఎవరూ అక్కడ పనిచేయట్లేదని తేలిపోయింది.మోసపోయానని గ్రహించి సైబర్ పోలీస్ స్టేషన్‌లో కంప్లైంట్ ఇచ్చింది.
పోలీసులు రంగంలోకి దిగి విచారణ మొదలుపెట్టారు.హరికేష్ పాండే ఇంతకుముందు లక్నోలో కూడా ఇంకో మహిళా అధికారిని ఇలాగే ప్రేమ, పెళ్లి పేరుతో మోసం చేసినట్లు తేలింది.ఆధారాలు సేకరించి హరికేష్ పాండేని అరెస్ట్ చేశారు.అతని దగ్గర నుంచి నకిలీ ఐఏఎస్ అపాయింట్‌మెంట్ లెటర్, ఫేక్ పాన్ కార్డు, ఫేక్ పాస్‌బుక్ ఇంకా హార్డోయి జిల్లా మేజిస్ట్రేట్‌తో దిగినట్టు మార్ఫింగ్ చేసిన ఫోటోలు కూడా దొరికాయి.
హార్డోయి ఎస్పీ నీరజ్ కుమార్ జాదౌన్ చెప్పిన ప్రకారం, హరికేష్ పాండే చాలా మంది మహిళా అధికారులను టార్గెట్ చేశాడు.దగ్గర్లోని జిల్లాలో పనిచేసే ఒకరిని, లక్నోలో పనిచేసే ఇంకొకరిని కూడా మోసం చేశాడు.
ఒక బాధితురాలు తన డబ్బులు తిరిగి అడగడంతో ఈ కేసు వెలుగులోకి వచ్చింది.డబ్బులు అడిగినందుకు ఆమెను బెదిరించాడట కూడా.
హరికేష్ పాండే ఇంకా ఏమైనా నేరాలు చేశాడా అని పోలీసులు ఇప్పుడు విచారిస్తున్నారు.విచారణలో నిజాలు నిగ్గు తేలుతాయేమో చూడాలి.
తెలుగు వార్త విశేషాలు సులభముగా తెలుసుకోండి!!!!
అవీ...ఇవి
టాప్ స్టోరీస్
క్రైమ్ న్యూస్
అవీ...ఇవి
ప్రత్యేకం
