రవితేజ చాలా సంవత్సరాల తర్వాత డిస్కోరాజా చిత్రంతో సక్సెస్ను దక్కించుకున్నాడు.రాజా ది గ్రేట్ చిత్రం పర్వాలేదు అనిపించింది.
అంతకు ముందు రెండు మూడు సంవత్సరాల క్రితం వరకు కూడా రవితేజకు హిట్ లేదు.డిస్కో రాజా చిత్రంతో రవితేజ మళ్లీ మునుపటి జోరును కొనసాగించడంఖాయం అంటూ అంతా అనుకున్నారు.
కాని దిల్రాజు మాత్రం రవితేజపై ఇంకా నమ్మకం పెట్టడం లేదు.ఎందుకంటే రవితేజ ఒకటి హిట్ అయితే రెండు ఫట్ అవుతున్నాయని దిల్రాజు భావిస్తున్నాడు.
గత ఏడాది ఎఫ్ 2 చిత్రాన్ని నిర్మించి సూపర్ హిట్ను దక్కించుకోవడంతో పాటు దాదాపుగా 50 నుండి 60 కోట్ల వరకు లాభాలను దండుకున్నాడు.అందుకే ఇప్పుడు అనీల్ రావిపూడి దర్శకత్వంలో ఎఫ్ 3 చిత్రాన్ని భారీ బడ్జెట్తో చేసేందుకు సిద్దం అవుతున్నాడు.ఈ సీక్వెల్లో వెంకటేష్ మరియు వరుణ్ తేజ్లు నటించబోతున్నారు.వీరిద్దరితో పాటు మరో హీరో కూడా నటించే అవకాశం ఉందని ప్రచారం జరుగుతుంది.ఆ హీరో రవితేజ అంటూ నిన్న మొన్నటి వరకు వార్తలు వచ్చాయి.
రవితేజ మార్కెట్ సరిగా లేని కారణంగా ఎఫ్ 3 చిత్రంలోకి ఆయన్ను తీసుకోవడంను దిల్రాజు వ్యతిరేకిస్తున్నాడట.అనీల్ రావిపూడికి మాత్రం రవితేజ అయితేనే బాగుంటుందని, వెంకీ మరియు వరుణ్లతో కలిసి రవితేజ అయితేనే ఎంటర్ టైన్మెంట్ చేస్తాడని అనీల్ నమ్ముతున్నాడు.ప్రస్తుతం దిల్రాజును ఒప్పించేందుకు తీవ్రంగా ప్రయత్నాలు జరుగుతున్నాయి.