గత సంవత్సరం సంక్రాంతి కానుకగా రిలీజ్ అయ్యి భారీ విజయం సాధించిన సినిమా ఎఫ్2. విక్టరీ వెంకటేష్, మెగా హీరో వరుణ్ తేజ్ హీరోలుగా నటించిన ఈ సినిమా భారీ విజయాన్నిఅందుకుంది.ఈ సినిమాకి అనిల్ రావిపూడి డైరెక్షన్ చేశారు.ఇక ఈ సినిమాలో హీరోల సరసన తమన్నా భాటియా, మెహరీన్ కౌర్ హీరోయిన్లుగా నటించారు.ఫ్యామిలీ ఆడియన్స్ ను టార్గెట్ చేసుకొని విడుదల చేసిన ఈ సినిమా అన్ని రకాల ప్రేక్షకులను ఇట్టే కట్టిపడేసింది.దీంతో ఈ సినిమా బాక్సాఫీస్ వద్ద భారీ హిట్ సాధించింది.
ఇక అసలు విషయంలోకి వెళితే… తాజాగా ఈ సినిమా ఓ అరుదైన అవకాశాన్ని దక్కించుకుంది.అదేమిటంటే.
కేంద్ర సమాచార, ప్రసార మంత్రిత్వ శాఖ వివిధ భాషల్లో సినిమాలకు అవార్డులను ప్రకటించింది.51వ ఇంటర్నేషనల్ ఫిలిం ఫెస్టివల్ ఆఫ్ ఇండియా వేడుకల్లో భాగంగా తాజాగా ఫీచర్ ఫిల్మ్ కేటగిరీలో తెలుగుకు సంబంధించి ఎఫ్ 2 సినిమాకి జాతీయ అవార్డు లభించింది.మొట్టమొదటిసారి ఈ అవార్డు సాధించిన తెలుగు సినిమాగా నిలవడం నిజంగా గర్వకారణమే.
ఫుల్ కామెడీ ఎంటర్ టైనర్ తో తెరకెక్కిన ఈ సినిమా కుటుంబ సమేతంగా అందరూ ఎంజాయ్ చేసేలా దర్శకుడు అనిల్ రావిపూడి తెరకెక్కించారు.
ఈ సినిమాకి దేవిశ్రీ ప్రసాద్ మంచి పాటలను సమకూర్చారు.ప్రస్తుతం ఈ చిత్రాన్ని హిందీలో కూడా రీమేక్ చేసేందుకు ప్రయత్నాలు జరుగుతున్నాయి.అయితే ఎఫ్2 సినిమాకు ప్రస్తుతం అనిల్ రావిపూడి సీక్వెల్ గా ఎఫ్3 సినిమాను కూడా ప్లాన్ సిద్ధం చేసేశారు.చూడాలి మరి ఎంత త్వరలో ఈ సినిమా పట్టాలు ఎక్కనుందో.