సోషల్ మీడియా అంటేనే వింతలు వినోదాలకు నెలవు.రోజూ ఏదొక వీడియో నెట్టింట వైరల్ అవుతూనే ఉంటుంది.
కొన్ని వీడియోలు ఫన్నీగా ఉంటె మరికొన్ని వీడియోలు ఎమోషనల్ గా ఉంటాయి.అందులో మనకు కొన్ని బాగా నచ్చితే మరి కొన్ని ఇంకా బాగా నచ్చుతాయి.
ఈ వీడియోల్లో ఆశ్చర్యాన్ని కలిగించే వీడియోలు కూడా ఉంటాయి.వీటిని చూస్తే షాక్ అవ్వడం ఖాయం.
అలాంటి వీడియోలు చూసినప్పుడు మనకు కొద్ది సేపు అసలు ఏం జరిగిందో కూడా తెలియదు.తాజాగా అలాంటి సంఘటన ఒకటి సోషల్ మీడియాలో జరిగింది.సోషల్ మీడియాలో వైరల్ అవుతున్న ఈ వీడియోలో ఒక రెస్టారెంట్ లో దున్నపోతు తెగ హల్ చల్ చేసేసి కస్టమర్లను భయాందోళనకు గురి చేసింది.ఆ దున్నపోతు అనుకోకుండా రెస్టారెంట్ లోకి ప్రవేశించి అక్కడి వారిని ఫుడ్ బాల్ ఆడుకుంది.
ఈ ఊహించని ఘటనలో ఒక వ్యక్తి తృటిలో తన ప్రాణాలను కాపాడు కున్నాడు.చైనా లోని ఒక రెస్టారెంట్ లోకి దున్నపోతు దూసుకు వచ్చింది.ఆ సమయంలో రెస్టరెంట్ లో ఇద్దరు వ్యక్తులు మాత్రమే ఉన్నారు.ఒక వ్యక్తి నీళ్లు తాగుతూ ఉన్నాడు.ఒక్కసారిగా వచ్చిన ఆ దున్నపోతు నీళ్లు తాగుతున్న వ్యక్తిని దాని కొమ్ములతో గాల్లోకి ఎగరేసి కుమ్మేసింది.
ఈ దాడిలో తీవ్రంగా గాయపడ్డ అతడిని ఇంకొక వ్యక్తి వచ్చి వేరే గదిలోకి తీసుకు వెళ్ళాడు.
ఆ తర్వాత గాయపడ్డ ఆ వ్యక్తిని హాస్పిటల్ కు తరలించారు.అతడి పరిస్థితి విషమంగా ఉన్నట్టు సమాచారం.ఈ ఘటన మొత్తం సిసి కెమెరాల్లో రికార్డ్ అవ్వగా అది సోషల్ మీడియాలో వైరల్ అవుతుంది.అక్కడ దగ్గర లో ఉన్న కబేళా సెంటర్ నుండి ఈ దున్నపోతు తప్పించుకుని వచ్చి రెస్టారెంట్ లోకి దూరి నానా హంగామా చేసింది.
