తెలంగాణాలో ఎన్నికల ఫలితాలు వెలువడి చాలా రోజులే అయినా … ఇప్పటివరకు మంత్రివర్గ విస్తరణపై కేసీఆర్ సీరియస్ గా దృష్టిపెట్టలేదు.సీఎంగా కేసీఆర్, హోం మినిష్టర్ గా మహమ్ముద్ ఆలీ ప్రమాణ స్వీకారం చేశారు.
మిగతా మంత్రి మండలిని ఏర్పాటు చేయడానికి అనుకూలమైన మంచిరోజులు లేవనే కారణంతో విస్తరణను కేసీఆర్ వాయిదా వేసుకుంటూ వచ్చారు.అయితే ఈ లోపున అనుకోకుండా… ఈలోపు పంచాయతీ ఎన్నికల నోటిఫికేషన్ విడుదలైంది.
జనవరి 30 వరకు పంచాయతీ ఎన్నికల షెడ్యూల్ అమల్లో ఉంటుంది.దాంతో పంచాయతీ ఎన్నికలు అయ్యేంత వరకు మంత్రివర్గ విస్తరణ ఉండదని వార్తలు వచ్చాయి.
ఇక ఇప్పుడప్పుడే ఈ వ్యవహారం తేలే అంశం కాదని అంతా ఒక అభిప్రాయానికి వచ్చిన నేపథ్యంలో తాజాగా .మంత్రివర్గ విస్తరణకు సంబంధించి ఎన్నికల సంఘం కీలక వ్యాఖ్యలు చేసింది.మంత్రివర్గ విస్తరణకు పంచాయతీ ఎన్నికల కోడ్ అడ్డుకాదని… కేబినెట్ ను విస్తరించుకోవచ్చని .దీనికి ఎటువంటి అడ్డంకులు లేవని ఈసీ స్పష్టం చేసింది.