నందమూరి బాలకృష్ణ ప్రస్తుతం బోయపాటి శ్రీను దర్శకత్వంలో ‘అఖండ‘ సినిమా చేస్తున్నాడు.బోయపాటి సినిమా అంటే ప్రత్యేకంగా చెప్పాల్సిన అవసరం లేదు.
హై వోల్టేజ్ యాక్షన్ సినిమాలను తెరకెక్కించడంలో బోయపాటి ముందు వరుసలో ఉంటాడు.అఖండ సినిమా టీజర్ చూస్తేనే అర్ధం అవుతుంది ఈ సినిమా కూడా హై వోల్టేజ్ యాక్షన్ డ్రామాగా తెరకెక్కిస్తున్నాడు అని.
ఈ సినిమా ఎప్పుడు విడుదల అవుతుందా అని నందమూరి అభిమానులు అంతా ఎదురు చూస్తున్నారు.తాజాగా ఒక వార్త సోషల్ మీడియాలో చక్కర్లు కొడుతోంది.ఈ సినిమా రాబోతున్న ఫైట్స్ గురించే ఈ చర్చ అంతా.ఒకటి కాదు రెండు కాదు ఈ సినిమాలో ఏకంగా ఎనిమిది ఫైట్స్ ఉన్నాయట… అవి కూడా వేటికవే ప్రత్యేకంగా తీర్చుదిద్దుతున్నాడని సమాచారం.
బాలయ్యను సింహా, లెజెండ్ సినిమాల్లో ఎంత పవర్ ఫుల్ రోల్స్ లో చూపించాడో అంతకుమించి ఈ సినిమాలో బోయపాటి చూపించ బోతున్నాడట.ఇక ఫైట్స్ విషయానికి వస్తే.
ఈ సినిమాలో మొత్తం 8 ఫైట్స్ ఉండగా అందులో ఇంటర్వెల్ లో వచ్చే ఫైట్ ను బోయపాటి వీటన్నిటి కంటే ప్రత్యేకంగా డిజైన్ చేసాడట.ఈ సినిమాలో ఒక విజువల్ ఫీస్ట్ ను అందించడానికి బోయపాటి చాలా కష్టపడుతున్నాడట.
ఇక ఈ సినిమాలో బాలయ్య డ్యూయెల్ రోల్ చేస్తున్నాడు.అంతేకాదు జగపతిబాబు కూడా కీలక పాత్రలో నటిస్తున్నాడు.ఈ సినిమాలో ప్రగ్యా జైస్వాల్, సయేశా సైగల్ హీరోయిన్స్ గా నటిస్తున్నారు.ఇక ఈ సినిమా తర్వాత కూడా బోయపాటి వరుస సినిమాలను సిద్ధం చేసుకున్నాడు.అఖండ పూర్తి అయినా వెంటనే బాలయ్య గోపీచంద్ మలినేని దర్శకత్వంలో ఒక సినిమా ఆ తర్వాత అనిల్ రావిపూడి డైరెక్షన్ లో ఒక సినిమా చేయబోతున్నాడు.