తెలంగాణలో ఎన్నికల నిర్వహణపై ఈసీఐ వీడియో కాన్ఫరెన్స్ నిర్వహించింది.ఈ కాన్ఫరెన్స్ లో తెలంగాణ సీఈవో వికాస్ రాజ్ తో పాటు ఉన్నతాధికారులు పాల్గొన్నారు.
సమస్యాత్మక నియోజకవర్గాల్లో గంట ముందే పోలింగ్ ముగుస్తుందని అధికారులు తెలిపారు.అలాగే 13 నియోజకవర్గాల్లో ఉదయం 7 గంటల నుంచి సాయంత్రం 4 గంటల వరకు పోలింగ్ నిర్వహించనున్నారు.
ఈ మేరకు సిర్పూర్, చెన్నూరు, బెల్లంపల్లి, మంచిర్యాల, ఆసిఫాబాద్, మంథని, భూపాలపల్లి, ములుగు, పినపాక, ఇల్లందు, కొత్తగూడెం, అశ్వరావుపేటతో పాటు భద్రాచలం నియోజకవర్గాల్లో సాయంత్రం 4 గంటల వరకే పోలింగ్ కొనసాగనుందని అధికారులు వెల్లడించారు.మిగిలిన 106 నియోజకవర్గాల్లో ఉదయం 7 గంటల నుంచి సాయంత్రం 5 గంటల వరకు పోలింగ్ నిర్వహించనున్నారు.
