మహానటితో తెలుగు ప్రేక్షకులకు దగ్గరైన దుల్కర్ సల్మాన్ లీడ్ రోల్ లో హను రాఘవపుడి డైరక్షన్ లో తెరకెక్కుతున్న సినిమా సీతా రామం.వైజయంతి మూవీస్ బ్యానర్ లో అశ్వని దత్ ఈ మూవీ నిర్మిస్తున్నారు.
సీతా రామం యుద్ధంతో రాసిన ప్రేమ కథ అంటూ ట్యాగ్ లైన్ తో వస్తున్న ఈ సినిమా టీజర్ లేటెస్ట్ గా రిలీజ్ చేశారు.టీజర్ విషయానికి వస్తే కాశ్మీర్ కొండల్లో పహారా కాస్తున్న ఓ సైనికుడి ప్రేమ కథ ఇదని తెలుస్తుంది.
టీజర్ ఇంప్రెసివ్ గా అనిపించగా సినిమా కూడా ప్రేక్షకులను అలరించేలా ఉంటుందని చెప్పొచ్చు.దుల్కర్ సల్మాన్ సరసన మృణాల్ ఠాకూర్ హీరోయిన్ గా నటిస్తున్న ఈ సీతా రామం సినిమాలో స్టార్ హీరోయిన్ రష్మిక మందన్న కూడా ఇంపార్టెంట్ రోల్ లో నటిస్తున్నారు.
అంతేకాదు ఈ సినిమాలో అక్కినేని హీరో సుమంత్ కూడా ఒక స్పెషల్ రోల్ లో నటిస్తున్నారని తెలుస్తుంది.సీతా రామం టీజర్ సంథింగ్ స్పెషల్ అనిపించేలా ఉంది.
మరి ఈ సినిమాతో అయినా అందాల రాక్షసి ఫేమ్ హను రాఘవపుడి హిట్ ట్రాక్ ఎక్కుతాడేమో చూడాలి.ఈ సినిమాను ఆగష్టు 5న రిలీజ్ ఫిక్స్ చేశారు.