చాలా మంది తమకు ఇష్టమైన జంతువులను పెంచుకుంటూ ఉంటారు.పక్షులు, జంతువులను తమతో సమానంగా పెంచే యజమానులు కూడా ఉన్నారు.
అందులో ముఖ్యంగా మనం చెప్పుకోవాల్సింది కుక్క.అనేక మంది తమ ఇళ్లలో కుక్కలను పెంచుకుంటూ ఉంటారు.
ఎందుకంటే ఆ కుక్క ఎంతో విశ్వాసం కలది కాబట్టి.అయితే ఇక్కడొక అమ్మాయి తనకు ఇష్టమైన బాతును పెంచుకుంది.
ఆ బాతు వల్ల అమ్మాయి చాలా ఫేమస్ అయ్యింది.ఆ బాతు కూడా తన యజమానురాలికి డబ్బులు సంపాదించి పెడుతోంది. పెన్సిల్వేనియాలోని మిల్‌ఫోర్డ్‌ లో ‘మం‍చ్‌కిన్‌’ అనే బాతు బాగా పాపులర్ అయ్యింది.20 సంవత్సరాల క్రిస్సీ ఎలిస్‌ అనే అమ్మాయి బాతును పెంచుకుంటోంది.ఇప్పుడు ఆ బాతు ప్రపంచంలోనే అత్యంత ఎక్కువగా డబ్బులు సంపాదించే బాతుగా హిస్టరీ క్రియేట్ చేసింది.
క్రిస్సీకి చిన్నతనం నుంచి కూడా బాతులను పెంచుకోవడం అంటే చాలా ఇష్టం.
ఆ అలవాటుతోనే ఆమె ఓ బాతును పెంచుకుంది.ఆ బాతుకు మంచ్ కిన్ అనే పేరు పెట్టింది.
ఆ తర్వాత కొన్ని రోజులకు సోషల్ మీడియాలో తన బాతుతో కలిపి ‘డంకిన్‌ డక్స్‌’ అనే పేరుతో కామన్‌ ఎకౌంట్‌ ను క్రిస్సీ రెడీ చేసుకుంది.తాను ఉండే ప్రాంతంలో ఓ ఫాస్ట్‌ ఫుడ్ సెంటర్ ఉంది.
ఆ ఫుడ్ సెంటర్ పేరు డంకిన్‌ డొనట్స్‌.ఆ పేరు స్ఫూర్తితోనే తమ అకౌంట్ కు ఆ పేరు పెట్టుకుంది.
ఆ తర్వాత సోషల్ మీడియాలో తనతో పాటు బాతు ఉన్న ఫొటోలను, వీడియోలను పోస్ట్ చేయడం మొదలు పెట్టింది.కాలక్రమేణా వారికి టిక్‌టాక్‌ లో 2.7 లక్షలు, ఇన్‌స్టాగ్రామ్‌ లో 2.5లక్షలు మంది ఫాలోవర్స్‌ పెరిగారు.తనకున్న రెండు సోషల్ మీడియాల ద్వారా నెలకు 3 లక్షల రూపాయలను ఆ బాతు సంపాదిస్తోంది.అంతేకాకుండా ఆ బాతు పెయింటింగ్‌ లు వేయడం ద్వారా కూడా డబ్బులు వస్తున్నాయి.
దీంతో న్యూయార్క్ పోస్ట్ ఆ బాతును కష్టపడి పనిచేసే పెట్‌ అని ప్రశంసించింది.
