అమెరికా అధ్యక్ష ఎన్నికలు : అత్యున్నత పదవికి అనర్హుడంటూ కోర్ట్ సంచలన తీర్పు .. ట్రంప్ నెక్ట్స్ స్టెప్ ఏంటీ.?

2020 అధ్యక్ష ఎన్నికల్లో ఓటమి పాలైన డొనాల్డ్ ట్రంప్..కొత్తగా ఎన్నికైన డెమొక్రాట్ ప్రభుత్వానికి వ్యతిరేకంగా హింసను ప్రేరేపించేలా వ్యవహరించారని న్యాయస్థానం తేల్చింది.

ఈ నేరానికి గాను అమెరికా రాజ్యాంగంలోని 14వ సవరణ సెక్షన్ 3వ నిబంధన ప్రకారం ట్రంప్.రాజ్యాంగ పదవులకు అనర్హుడని ఏడుగురు సభ్యులతో కూడిన కొలరాడో సుప్రీంకోర్ట్ 4 - 3 మెజారిటీతో తీర్పును వెలువరించింది.

అయితే దీనిపై ఫెడరల్ సుప్రీంకోర్టులో అప్పీల్‌కు అవకాశం కల్పించింది.అమెరికా అధ్యక్ష ఎన్నికల వేళ .ట్రంప్‌కు ఈ తీర్పు శరాఘాతం వంటిదే అయినప్పటికీ పెద్దగా ప్రతిబంధం కాదని రాజ్యాంగ నిపుణులు అంటున్నారు.కొలరాడో సుప్రీంకోర్టు( Colorado Supreme Court ) ఇచ్చిన తీర్పు ఆ రాష్ట్ర పరిధి వరకు మాత్రమే చెల్లుబాటు అవుతోంది.

దేశంలోని ఇతర రాష్ట్రాలకు ఈ తీర్పు వర్తించదు.దీనిపై ఇతర రాష్ట్రాల్లోని సుప్రీంకోర్టులు ఇలాంటి రూలింగ్ ఇస్తే మాత్రం ట్రంప్ ఇబ్బందుల్లో పడతారు.అయితే ఇలోగా ట్రంప్ .ఫెడరల్ సుప్రీంకోర్టును ఆశ్రయించే అవకాశం వుంది.