ఇటీవ‌ల రోజుల్లో స్త్రీ, పురుషులు అనే తేడా లేకుండా చాలా మంది ఫిట్ నెస్‌పై శ్ర‌ద్ధ పెడుతూ.శ‌రీర బ‌రువును అదుపులో ఉంచుకునేందుకు నానా ప్ర‌య‌త్నాలు చేస్తున్నారు.
అలాగే ఏవేవో పానీయాల‌ను రెగ్యుల‌ర్‌గా తీసుకుంటున్నారు.ఇందులో భాగంగానే కొంద‌రు ఈ మ‌ధ్య శ‌రీరంలోని కొవ్వును క‌రిగిస్తుంద‌నే న‌మ్మ‌కంతో లెమన్ కాఫీని డైట్‌లో చేర్చుకుంటున్నారు.
మ‌రి లెమన్ కాఫీ నిజంగానే శ‌రీర కొవ్వును క‌రిగిస్తుందా.అస‌లు లెమన్ కాఫీని ఎలా త‌యారు చేయాలి.? దాన్ని సేవించ‌డం వ‌ల్ల వ‌చ్చే ప్రయోజనాలు ఏంటీ.? వంటి విష‌యాలు ఇప్పుడు తెలుసుకుందాం.
లెమన్, కాఫీ.ఈ రెండిటినీ విడి విడిగా ప‌రిమితికి మించ‌కుండా తీసుకుంటే ఎన్నో ఆరోగ్య లాభాల‌ను పొందొచ్చు.అయితే ఈ రెండిటినీ క‌లిపి లెమన్ కాఫీగా తీసుకుంటే శ‌రీరంలో పేరుకుపోయిన కొవ్వంతా క‌రిగిపోతుంద‌ని భావించ‌డం అపోహే అంటున్నారు ఆరోగ్య నిపుణులు.కొవ్వు క‌ర‌గ‌డం క‌ష్టం కానీ, లెమన్ కాఫీని తీసుకుంటే అధిక ఆక‌లి త‌గ్గుతుంది, జీర్ణ వ్య‌వ‌స్థ ప‌ని తీరు చురుగ్గా మారుతుంది.
దీంతో మీరు తినే ఆహారం కొవ్వుగా మార‌కుండా ఉంటుంది.మరియు ఆక‌లి లేక‌పోవ‌డం వ‌ల్ల చిరు తిండ్లపై మ‌న‌సు మ‌ల్ల‌కుండా ఉంటుంది.
ఫ‌లితంగా వెయిట్ లాస్ అవుతారు.
అలాగే లెమన్ కాఫీని రోజుకో క‌ప్పు చ‌ప్పున తీసుకుంటే ఒత్తిడి, డిప్రెష‌న్‌, త‌ల నొప్పి వంటి స‌మ‌స్య‌లు వ‌దిలిపోయి మానసిక స్థితి మెరుగు ప‌డుతుంది.శక్తి స్థాయిలను పెంచి బాడీ యాక్టివ్‌గా, ఎన‌ర్జిటిక్‌గా మార్చ‌డంలోనూ లెమన్ కాఫీ గ్రేట్‌గా స‌మాయ‌ప‌డుతుంది.అంతే కాదు.
లెమన్ కాఫీని తీసుకుంటే మ‌ధుమేహం, క్యాన్స‌ర్, ఆల్జీమ‌ర్స్‌ వంటి వ్యాధులు వ‌చ్చే రిస్క్ త‌గ్గుతుంది.జ్ఞాపక శక్తి రెట్టింపు అవుతుంది.
మరియు కాలేయం ఆరోగ్యంగా ఉంటుంది.
ఇక లెమన్ కాఫీని త‌యారు చేసుకోవ‌డం పెద్ద క‌ష్ట‌మైన ప‌నేమి కాదు.
ఒక క‌ప్పు బ్లాక్ కాఫీలో రెండు స్పూన్ల లెమన్ జ్యూస్ క‌లిపితే లెమన్ కాఫీ సిద్ధ‌మైన‌ట్టే.అయితే పొర‌పాటున కూడా ఇందులో పాలు క‌ల‌ప‌కండి.మరియు లెమన్ కాఫీని రోజుకు ఒక క‌ప్పు మించి సేవించ‌రాదు.
తెలుగు ఆరోగ్య టిప్స్, వార్త విశేషాలు సులభముగా తెలుసుకోండి!!!!
