సినీ పరిశ్రమలో తన సినిమాలతో కన్నాఎక్కువగా వివాదాలతోనే పాపులర్ అయినటువంటి ప్రముఖ దర్శకుడు రామ్ గోపాల్ వర్మ గురించి కొత్తగా పరిచయం చేయాల్సిన అవసరం లేదు. అయితే ఈ మధ్య రామ్ గోపాల్ వర్మ ప్రస్తుత సమాజంలో జరుగుతున్న వాస్తవిక సంఘటనలపై దృష్టి సారించి తన చిత్రాలని తెరకెక్కించడమేగాక వాటినిఆన్ లైన్ లో విడుదల చేస్తూ బాగానే సొమ్ము చేసుకున్నాడు.
అయితే ఇంతకీ విషయం ఏంటంటే తాజాగా సోషల్ మీడియా మాధ్యమాలలో స్వర్గీయ నటి శ్రీదేవి మరియు రామ్ గోపాల్ వర్మ కి సంబంధించిన కొన్ని ఫోటోలు తెగ వైరల్ అవుతున్నాయి.అయితే ఈ ఫోటోలను ఒకసారి పరిశీలించినట్లయితే అప్పట్లో రామ్ గోపాల్ వర్మ నటి శ్రీదేవితో గోవిందా గోవిందా అనే చిత్రాన్ని తెరకెక్కించాడు.
ఆ సమయంలో శ్రీదేవితో కలిసి తీసుకున్నట్లు తెలుస్తోంది.దీంతో కొందరు నెటిజన్లు అప్పట్లో కళ్లద్దాలు పెట్టుకుని గుడ్ బాయ్ లా ఉండే రామ్ గోపాల్ వర్మ రాను రాను ఇలా తయారయ్యాడేంటీ అంటూ తెగ కామెంట్లు చేస్తున్నారు.
అయితే ఈ విషయం ఇలా ఉండగా ప్రస్తుతం రామ్ గోపాల్ వర్మ “పవర్ స్టార్” అనే చిత్రానికి దర్శకత్వం వహిస్తున్నాడు.ఇప్పటికే ఈ చిత్రానికి సంబంధించిన పలు కీలక సన్నివేశాల చిత్రీకరణ పూర్తి కావడంతో ఈ చిత్రాన్ని ఈ నెల 24వ తారీఖు న ఆన్ లైన్ లో విడుదల చేసేందుకు సన్నాహాలు చేస్తున్నాడు.
