సాధారణంగా ఆరోగ్యం డెబ్బై శాతం తీసుకునే ఆహారంపైనే ఆధారపడి ఉంటుంది.అందుకే శరీరానికి అన్ని పోషకాలు అందించే ఆహారాన్ని ప్రతి రోజు తీసుకోవాలి.
అయితే సరైన ఆహారాన్ని తీసుకోవడమే కాదు.సరైన సమయంలో తీసుకోవడం కూడా అంతే అవసరం.
ముఖ్యంగా రాత్రి వేళ ఆరోగ్యానికి ఎంత మేలు చేసేవి అయినా.కొన్ని ఆహారాలను ఎట్టి పరిస్థితుల్లో తీసుకోరాదు.
అలాంటి వాటిలో చాక్లెట్ ఒకటి.పిల్లల నుంచి పెద్దల వరకు చాక్లెట్స్ ఎంతో ఇష్టంగా తింటుంటారు.అందులోనూ డార్క్ చాక్లెట్స్ చాలా మంది అమితంగా ఇష్టపడతారు.చాక్లెట్స్ రుచిలోనే కాదు.బోలడన్ని ఆరోగ్య ప్రయోజనాలను అందించడంలోనూ సహాయపడతాయి.గుండె సంబంధిత జబ్బులను దూరం చేయడంలోనూ, మధుమేహం వచ్చే రిస్క్ను తగ్గించడంలోనూ, చర్మ సౌందర్యాన్ని మెరిపించడంలోనూ, ఒత్తిడి మరియు తలనొప్పి నుంచి రిలీఫ్ అందించడంలోనూ, రక్త పోటును అదుపు చేయడంలోనూ చాక్లెట్ అద్భుతంగా ఉపయోగపడుతుంది.
అయితే ఆరోగ్యానికి ఎన్నో విధాలుగా చాక్లెట్ ఉపయోగపడినప్పటికీ.రాత్రి వేళ మాత్రం వీటిని తీసుకోకపోవడమే మంచిదని అంటున్నారు ఆరోగ్య నిపుణులు.ఎందుకూ అంటే.చాక్లెట్స్లో కెఫైన్ కంటెంట్ ఎక్కువగా ఉంటుందన్న సంగతి అందరికీ తెలిసిందే.అయితే రాత్రి వేళలో చాక్లెట్స్ తీసుకుంటే.అందులో ఉండే కెఫైన్ నిద్రలేమికి దారి తీస్తుంది.
అలాగే వికారం, స్టమక్ ఇరిటేషన్స్, నీరసం వంటి సమస్యలు తలెత్తేందుకు కూడా కెఫైన్ సహాయపడుతుంది.
అంతేకాకుండా, చాక్లెట్స్ లో ప్యాట్స్ మరియు కోకా కూడా అధిక మోతాదులోనే ఉంటాయి.అందువల్ల, రాత్రి వేళ డిన్నర్ తర్వాతగాని లేదా డిన్నర్ ముందుగాని చాక్లెట్స్ తింటే.గ్యాస్, ఎసిడిటి సమస్యలు వచ్చే రిస్క్ ఎక్కువగా ఉంటుంది.
ఇక రాత్రి వేళ చాక్లెట్స్ మాత్రమే కాదు.మసాలా మరియు స్పైసీ ఫుడ్, కూల్ డ్రింక్స్, మాంసాహారం, కాఫీ, ఫ్రూట్ సలాడ్, టమోటా సాస్, నట్స్, స్వీట్స్ వంటివి అస్సలు తీసుకోరాదు.