మాస్ మహారాజ్ రవితేజ హీరోగా విఐ ఆనంద్ దర్శకత్వంలో తెరకెక్కుతున్న విభిన్న కథా చిత్రం డిస్కో రాజా.పీరియాడికల్ బ్యాక్ డ్రాప్ కి, ప్రెజెంట్ కి కనెక్ట్ చేస్తూ తీసిన ఈ సినిమా మరో సారి రవితేజ కెరియర్ లో డిఫరెంట్ కాన్సెప్ట్ చిత్రంగా రాబోతుంది.
ఎక్కువగా హీరోయిక్ కమర్షియల్ సినిమాలు చేస్తూ ఒకే తరహా కథలతో విసుగుపుట్టించిన రవితేజ లైన్ మార్చుకొని చేసిన సినిమా డిస్కో రాజా కావడం విశేషం.ఇప్పటికే ఈ సినిమాకి సంబందించిన కొన్ని పాటలు, టీజర్ ప్రేక్షకుల ముందుకి వచ్చి డిఫరెంట్ ఫీల్ ని అందించాయి.
దీంతో సినిమా మీద భారీ అంచనాలు నెలకొని ఉన్నాయి.ఇదిలా ఉంటే తాజాగా ఈ సినిమా సెన్సార్ కార్యక్రమాలను పూర్తి చేసుకుంది.
సెన్సార్ బోర్డువారు ఈ సినిమాకి యూఏ సర్టిఫికేట్ ను మంజూరు చేశారు.
ఈ నెల 24వ తేదీన ఈ సినిమా ప్రేక్షకుల ముందుకి రాబోతుంది.
కచ్చితంగా హిట్ గ్యారెంటీ అనే పోజిటివ్ ఫీడ్ బ్యాక్ తో రవితేజ కెరియర్ లో ఫస్ట్ టైం ఈ సినిమా రిలీజ్ కి రెడీ అయ్యింది.ఇప్పటికే ఈ సినిమా ప్రమోషన్ ని కూడా చిత్ర యూనిట్ మొదలెట్టింది.
ఈ సినిమాలో రవితేజ ద్విపాత్రాభినయం చేస్తుండగా, ఆయన సరసన నభా నటేశ్, పాయల్ రాజ్ పుత్ హీరోయిన్స్ గా నటిస్తున్నారు.తాన్యా హోప్ కీలక పాత్రలో కనిపిస్తుంది.
బాబి సింహా ఈ సినిమాలో విలన్ గా సందడి చేస్తున్నాడు.మరో భారీ అంచనాల మధ్య రిలీజ్ కి సిద్ధం అవుతున్న ఈ సినిమా రవితేజ ద్విపాత్రాభినయం చేసిన సినిమాల తరహాలో సూపర్ హిట్ ఇస్తుందేమో చూడాలి.