మెగాస్టార్ చిరంజీవి నటిస్తున్న లేటెస్ట్ మూవీ ఆచార్యలో మెగా పవర్ స్టార్ రామ్ చరణ్ ఓ కేమియో పాత్రలో నటిస్తోన్న సంగతి తెలిసిందే.ఈ సినిమాలో చరణ్ పాత్ర ఎలా ఉంటుందా అనే ఆసక్తి సర్వత్రా నెలకొంది.
కాగా ఈ సినిమాతో మెగాస్టార్ మరోసారి అదిరిపోయే రికార్డులను తిరిగరాసేందుకు రెడీ అవుతున్నాడు.అయితే ఈ సినిమాలో చరణ్ పాత్ర చాలా కీలకంగా ఉండనుందని, సినిమా కథకు ఈ పాత్ర చాలా కీలకం కానుందని చిత్ర వర్గాల టాక్.
అయితే చరణ్ తన నెక్ట్స్ చిత్రాన్ని ఎవరితో తెరకెక్కిస్తాడా అని అందరూ ఆసక్తిగా ఎదురుచూస్తున్నారు.కాగా ప్రస్తుతం ఓ దర్శకుడు చరణ్‌ను హీరోగా పెట్టి సినిమా చేసేందుకు రెడీ అయ్యాడు.
నేచురల్ స్టార్ నానితో కలిసి జెర్సీ వంటి సూపర్ హిట్ చిత్రాన్ని తెరకెక్కించిన గౌతమ్ తిన్ననూరి చరణ్ కోసం ఓ అదిరిపోయే స్క్రిప్టును రెడీ చేశాడట.ఈ కథను చరణ్‌కు వినిపించి ఆయనతో సినిమా చేయాలని ప్లాన్ చేస్తున్నాడు ఈ డైరెక్టర్.
అన్నీ అనుకున్నట్లుగా జరిగితే ఈ సినిమాను ఆర్ఆర్ఆర్ తరువాత తెరకెక్కించేందుకు గౌతమ్ రెడీ అవుతున్నాడు.కాగా ఆర్ఆర్ఆర్‌లో చరణ్ అల్లూరి సీతారామరాజు పాత్రలో నటిస్తున్న సంగతి తెలిసిందే.
ఈ సినిమాలో మరో స్టార్ హీరో ఎన్టీఆర్ కొమురం భీం పాత్రలో నటిస్తుండగా దర్శకధీరుడు రాజమౌళి ఈ సినిమాను అత్యంత ప్రతిష్టాత్మకంగా తెరకెక్కిస్తున్నాడు.
