కొరటాలకి ఓ డౌట్ : ఈ నగరానికి ఏమైంది..?   Directior Koratala Siva Twit On Telangana Elections     2018-12-07   22:03:44  IST  Sai M

మనం సినిమా హాలులోకి వెళ్తే సినిమాకంటే ముందుగా స్క్రీన్ మీద ప్రత్యక్షం అయ్యే ప్రకటన… ఈ నగరానికి ఏమైంది …? ఇప్పడు అదే ప్రశ్న వేస్తున్నాడు ఓ సినిమా డైరెక్టర్. కాకపోతే … ఈ నగరానికి ఏమైంది అని కాకుండా ఈ హైదరాబాద్ కి ఏమైంది అంటూ ప్రశ్నిస్తున్నాడు ప్రముఖ దర్శకుడు కొరటాల శివ. అంతే కాదు నగర ఓటరు సిగ్గుపడాలంటూ… అయన ఆగ్రహం కూడా వ్యక్తం చేస్తున్నాడు. ఇంతకీ కొరటాలకి అంత కోపం ఎందుకు వచ్చింది అంటే..?

తెలంగాణ ఎన్నికల్లో భాగంగా… సాయంత్రం 3గంటల సమయంలో హైదరాబాద్‌లో కేవలం 35 శాతమే పోలింగ్‌ నమోదవడం పట్ల ఆయన అసంతృప్తి వ్యక్తం చేస్తున్నారు. ఈ మేరకు ఆయన ట్విటర్‌లో ఓ ట్వీట్‌ పెట్టారు. ‘హైదరాబాద్‌కు ఏమవుతోంది? 3 గంటల సమయంలోనూ ఇంకా 35 శాతమే పోలైందా? నగర ఓటర్లు సిగ్గుపడాలి’ అని మండిపడ్డారు. మధ్యాహ్నం 3 గంటల వరకు రాష్ట్రవ్యాప్తంగా 56.17 శాతం పోలింగ్‌ నమోదైంది. అత్యధికంగా మెదక్‌ నియోజకవర్గంలో 75.75శాతం పోలింగ్‌ నమోదు కాగా, యాకుత్‌పురాలో అత్యల్పంగా 32శాతం నమోదయ్యింది.

ప్రకటన : తెలుగుస్టాప్ వెబ్ సైట్ లో పని చేయుట కొరకు అనుభవజ్ఞులైన తెలుగు కంటెంట్ రచయితలు,రాజకీయ విశ్లేషకులు,సోషల్ మీడియా ఫొటోస్/వీడియోస్ అడ్మిన్స్,వీడియో ఎడిటర్,వీడియో మేకర్స్,లైవ్ రిపోర్టర్ లు కావలెను..మీ వివరాలను telugustop@gmail.com కు మెయిల్ చేయగలరు.