భారీ ధరకు 'అఖండ' నైజాం హక్కులు దక్కించుకున్న దిల్ రాజు!

నటసింహం నందమూరి బాలకృష్ణ ప్రస్తుతం యాక్షన్ డైరెక్టర్ బోయపాటి శ్రీను దర్శకత్వంలో ‘అఖండ’ సినిమా చేస్తున్న విషయం తెలిసిందే.ఈయన గత కొంతకాలంగా హిట్స్ లేక రేసులో వెనుకబడి పోతున్నాడు.

ఇక ఈ సినిమా అవుట్ ఫుట్ చూస్తుంటే ఈ సినిమాతో బాలయ్య మళ్ళీ ఫామ్ లోకి వచ్చే అవకాశాలు కనిపిస్తున్నాయి.

అటు బోయపాటి శ్రీను కూడా ప్లాపులతో సతమత మవుతున్నాడు.

అందుకే ఈ సినిమాతో ఇద్దరు మళ్ళీ బ్లాక్ బస్టర్ హిట్ అందుకుని ఫామ్ లోకి రావాలని ట్రై చేస్తున్నారు.ఇప్పటికే ఈ సినిమా నుండి విడుదల అయినా పోస్టర్స్, టీజర్, పాటలు అన్ని కూడా ఈ సినిమాపై మంచి అంచనాలను పెంచేసాయి.

కరోనా వల్ల ఆలస్యం లేకపోతే ఈ సినిమా ఎప్పుడో ప్రేక్షకుల ముందుకు వచ్చేది.

ఈ మధ్యనే ఈ సినిమా షూటింగ్ పూర్తి చేసుకుని గుమ్మడికాయ కూడా కొట్టేసారు.ఇక ఈ సినిమా దీపావళి కి రిలీజ్ అవుతుందని అందరు ఆశగా ఎదురు చూస్తున్నారు.ఇక ఈ సినిమాలో బాలయ్యకు జోడీగా ప్రగ్య జైశ్వాల్ నటిస్తుండగా ఈ సినిమాకు థమన్ సంగీతం అందిస్తున్నాడు.

ద్వారకా క్రియేషన్స్ బ్యానర్ పై మిర్యాల రవీందర్ రెడ్డి ఈ సినిమాను నిర్మిస్తున్నారు.

ఇది ఇలా ఉండగా.ఈ సినిమా నైజాం రైట్స్ భారీ ధరకు అమ్ముడయినట్టు తెలుస్తుంది.ఈ సినిమా నైజాం రైట్స్ ప్రముఖ నిర్మాత దిల్ రాజు దక్కించు కున్నారని తెలుస్తుంది.

దిల్ రాజు ఈ సినిమా నైజాం రైట్స్ ను 19 కోట్లు పెట్టి సొంతం చేసుకున్నాడట.ఇక ఈ సినిమాలో బాలయ్య ద్విపాత్రాభినయం చేస్తున్నాడు.ఈ సినిమా తప్పకుండ ప్రేక్షకులను మెప్పిస్తుందని చిత్ర యూనిట్ కూడా ధీమాగా ఉన్నారు.