గత కొంతకాలం నుంచి వరుస సినిమాలు ఫ్లాప్ అవడంతో ఎంతో సతమతమవుతున్న నటుడు కళ్యాణ్ రామ్ తాజాగా టైం ట్రావెల్ చిత్రం బింబిసారా సినిమా ద్వారా ప్రేక్షకుల ముందుకు వచ్చారు.కళ్యాణ్ రామ్ కెరియర్ లోనే అత్యంత భారీ బడ్జెట్ చిత్రంగా తెరకెక్కిన ఈ సినిమా ఆగస్టు 5వ తేదీ ప్రేక్షకుల ముందుకు వచ్చింది.
ఈ క్రమంలోనే ఈ సినిమా మొదటి షో నుంచి సూపర్ హిట్ టాక్ సొంతం చేసుకుని దూసుకుపోతోంది.ఈ సినిమా విడుదలైన రెండు రోజులలోనే పెట్టుబడి మొత్తం రాబట్టింది.
ఈ సినిమాలో కళ్యాణ్ రామ్ ద్విపాత్రాభినయంలో నటించారు.కళ్యాణ్ రామ్ కెరియర్ లోనే మొట్టమొదటిసారి ఇలాంటి సినిమాతో ప్రేక్షకుల ముందుకు రావడం, ఈ సినిమా ప్రేక్షకులను ఆకట్టుకోవడమే కాకుండా కలెక్షన్లను కూడా రాబట్టి రెండు రోజులలోనే బ్రేక్ ఈవెన్ సాధించింది.
ఇలా ఈ సినిమా మంచి వసూలు రాబట్టడంతో నిర్మాతలు డిస్ట్రిబ్యూటర్లు బయ్యర్లు ఎంతో సంతోషం వ్యక్తం చేస్తున్నారు.
ఇక ఈ సినిమా పెట్టుబడి మొత్తం రాబట్టడంతో చిత్ర బృందం సక్సెస్ పార్టీని నిర్వహించారు.ఈ సక్సెస్ పార్టీలో భాగంగా చిత్ర బృందంతో పాటు ప్రముఖ నిర్మాత దిల్ రాజు, సినిమా డిస్ట్రిబ్యూటర్లు కూడా పాల్గొన్నారు.ఇక నేటి నుంచి ఈ సినిమా రాబట్టే కలెక్షన్లన్నీ కూడా లాభాలు కావడంతో డిస్ట్రిబ్యూటర్లు బయ్యర్లు ఎంతో సంతోషం వ్యక్తం చేస్తున్నారు.
డెబ్యూ డైరెక్టర్ వశిష్ట దర్శకత్వంలో వచ్చిన ఈ సినిమాని కళ్యాణ్ రామ్ తన సొంత బ్యానర్ ఎన్టీఆర్ ఆర్ట్స్ బ్యానర్ పై నిర్మించారు.ఇక ఈ సినిమాకు ప్రముఖ సంగీత దర్శకుడు ఎంఎం కీరవాణి సంగీతం అందించారు.
తెలుగు వార్త విశేషాలు సులభముగా తెలుసుకోండి!!!!
