యంగ్ టైగర్ ఎన్టీఆర్ టాలీవుడ్ ఇండస్ట్రీలో అగ్ర నటుడిగా కొనసాగడమే కాకుండా రాజమౌళి దర్శకత్వంలో తెరకెక్కిన RRR సినిమా ద్వారా పాన్ ఇండియా హీరోగా గుర్తింపు పొందారు.ఈ సినిమా అనంతరం ఎన్టీఆర్ కొరటాల శివ దర్శకత్వంలో తన 30 వ చిత్రాన్ని ప్రకటించారు.
ఇక ఎన్టీఆర్ పుట్టినరోజు సందర్భంగా కొరటాల శివ సినిమాకు సంబంధించిన మోషన్ టీజర్ విడుదల చేసిన సంగతి మనకు తెలిసిందే.ఈ వీడియోలో ఎన్టీఆర్ చెప్పే డైలాగ్స్ ప్రతి ఒక్కరిని ఎంతగానో ఆకట్టుకున్నాయి.
అయితే ఈ వీడియోలో మీరు ఒక చిన్న విషయాన్ని గమనించారా? ఈ వీడియోలో భాగంగా ఈ సినిమాకు దర్శకుడుగా కొరటాల శివ పేరు, అలాగే మ్యూజిక్ డైరెక్టర్ అనిరుద్ రవిచంద్రన్, సినిమాటోగ్రఫర్ రత్నవేలు, ప్రొడక్షన్ డిజైనర్ సాబు సిరిల్, ఎడిటర్ శ్రీకర్ ప్రసాద్‌ల పేర్లు మనకు కనిపించాయి.అయితే ఈ సినిమాలో నటించే హీరోయిన్ పేరు మాత్రం మనకు కనిపించలేదు.
ఇప్పటివరకు ఎన్టీఆర్ కొరటాల కాంబోలో తెరకెక్కే ఈ సినిమాలో అలియా భట్, రష్మిక, కియారా, జాన్వీ కపూర్ వంటి హీరోయిన్ల పేర్లు వినిపించాయి.అయితే వీరి పేర్లు ఎవరివి కూడా ఈ వీడియోలో చూపించలేదు.అంటే ఇంకా ఈ సినిమాలో హీరోయిన్ గా ఎవరిని తీసుకోవాలనే ఆలోచనలో కొరటాల ఉన్నట్లు తెలుస్తోంది.అందుకే ఇక్కడ హీరోయిన్ పేరు ప్రస్తావించలేదని అర్థమవుతోంది.మరి ఈ సినిమాలో ఎన్టీఆర్ సరసన నటించే అవకాశం ఏ హీరోయిన్ అందుకుంటుందో తెలియాల్సి ఉంది.
తెలుగు వార్త విశేషాలు సులభముగా తెలుసుకోండి!!!!
