యంగ్ రెబల్ స్టార్ ప్రభాస్ నటిస్తున్న లేటెస్ట్ మూవీ ఇప్పటికే షూటింగ్ సగానికిపైగా పూర్తి చేసుకున్న సంగతి తెలిసిందే.ఈ సినిమాను జిల్ ఫేం దర్శకుడు రాధాకృష్ణ డైరెక్ట్ చేస్తుండగా పూర్తి పీరియాడికల్ రొమాంటిక్ ఎంటర్టైనర్గా రూపొందిస్తుండటంతో ప్రేక్షకుల్లో ఈ సినిమాపై భారీ అంచనాలు క్రియేట్ అయ్యాయి.
ఇక ఈ సినిమా పూర్తి కాకముందే ప్రభాస్ తన నెక్ట్స్ మూవీని రెడీ చేసే పనిలో పడ్డాడు.
ఇప్పటికే ‘మహానటి’ చిత్ర డైరెక్టర్ నాగ్ అశ్విన్ చెప్పిన కథకు ప్రభాస్ గ్రీన్ సిగ్నల్ ఇవ్వడంతో ఈ సినిమాను వీలైనంత త్వరగా పట్టాలెక్కించేందుకు చిత్ర యూనిట్ రెడీ అవుతోంది.
కాగా ఈ సినిమాలో హీరోయిన్గా బాలీవుడ్ బ్యూటీ దీపికా పదుకొనేను తీసుకోవాలని చిత్ర యూనిట్ భావించింది.ఈ మేరకు ఆమెతో చర్చలు కూడా జరపగా, ఈ సినిమాలో నటించేందుకు దీపికా భారీ మొత్తంలో డిమాండ్ చేసినట్లు తెలుస్తోంది.
ముఖ్యంగా ప్రభాస్ సినిమా హిందీ రైట్స్ను తనకు ఇవ్వాలనే డిమాండ్ను దీపికా చిత్ర యూనిట్ ముందు పెట్టిందట.
దీంతో ఈ సినిమాను ప్రొడ్యూస్ చేస్తున్న అశ్వినీ దత్ ఆమె డిమాండ్కు నో అని చెప్పేశాడట.
భారీ మొత్తంలో రెమ్యునరేషన్ ఇస్తే వేరే స్టార్ హీరోయిన్లు ఎవరైనా ఈ సినిమాలో చేస్తారని భావించిన ఆయన ఈ సినిమాలో దీపికాను తీసుకునే ఆలోచన మానుకున్నాడట.ఇక ప్రభాస్ సరసన పర్ఫెక్ట్గా సరిపోయే బ్యూటీ కోసం నాగ్ అశ్విన్ అండ్ టీమ్ తెగ వెతుకుతున్నారు.
కాగా సైన్స్ ఫిక్షన్ సినిమాగా రానున్న ఈ చిత్రం సూపర్ హీరో బ్యాక్డ్రాప్తో రానున్నట్లు తెలుస్తోంది.మరి ప్రభాస్ సరసన నటించే ఛాన్స్ను ఎవరు కొట్టేస్తారో చూడాలి.